لو انك بشر حسيت في لوعة الموجوع
جريح شكا حبك على الله سبحانه
غريب تعلق في حبال الرجاء المقطوع
له سنين يشكي من بلاويه واحزانه
لو ان الأمل ضم التواصل بحب الكوع
قطعت الذراع وبست كوعي على شانه
(غير معروف)
على خير أشوفك كان حنا من الحيين
مصير الليالي تجمع الحي مع حية
فأمان الكريم إرحل وانا في انتظارك لين
تدور الليالي دورة ترجعك ليه
ترى البعد بعد القلب ماهوب بعد البين
لاصار من وادعك واعدك بالجيه
(غير معروف)
تطوّرت العنز مع من تطوّر
ولا هوب مقصور التطور على الناس
عقب الربيع الزين والخد الأخضر
قامت تعلّك بالمدينه بقرطاس
ترضع صخلها من حليبٍ مبستر
تخشى رشاقتها مع الوقت تنداس
باقي قليل ويشرب التيس "منكر"
ويروّج الهروين راعي وعساس
(عابرة سبيل)
