مشاركات بواسطة ابو نواف

الثأر

حالي بعدكم حال من يطرد الثأر
لأخوه واللي ذابح اخوه عمه
أبوه يقول النار ماتطفي النار
وامه تقول اخوك لايضيع دمه
زود على همه من الوضع محتار
يتبع كلام ابوه والا رضى امه
(محمد المهنا)

الجوال

دقة نغمة رساله وقلت يالله عسى خير
وانا ثلاث ايام محدن ذكرني
فتحتها بلهفه من الفرح بطير
واقول ياحظي من اللي افتكرني
اثره الجوال يرسل فواتير
هو الوحيد اللي ابد ماهجرني
(غير معروف)

الصداقه

الصداقه بير والصدق الدلو
والوفا ماها وانا طلابها
والنشاما فالمطلات اعتلو
والرخوم منوخات ركابها
وانت لو تحتاجني عطني الو
فدوتك عيني وسوداهدابها
(غير معروف)

هديه

اسمعي هالبيت لك مني هديه
احفظي هالبيت كانك مغليتني
من يقول انساك قولي له قويه
اقهريه وقولي انك واحشتني
(سلمان الجديعي)

شيخة زماني

حبك جمعنا روح من عقب روحين
حبك سكنته غير سكن المباني
به من صفاتك يمكن الزين والشين
بس في عيوني انتي شيخة زماني
ولو ان سنيني بالعمر فوق الالفين
نذر لحبه لين دفن المحاني
(غير معروف)