حالي بعدكم حال من يطرد الثأر
لأخوه واللي ذابح اخوه عمه
أبوه يقول النار ماتطفي النار
وامه تقول اخوك لايضيع دمه
زود على همه من الوضع محتار
يتبع كلام ابوه والا رضى امه
(محمد المهنا)
حبك جمعنا روح من عقب روحين
حبك سكنته غير سكن المباني
به من صفاتك يمكن الزين والشين
بس في عيوني انتي شيخة زماني
ولو ان سنيني بالعمر فوق الالفين
نذر لحبه لين دفن المحاني
(غير معروف)
للعيد لذة عقب ما تنهي الصوم
خصاً ليا جابت يمينك جزيله
ماهو بلبس(ن) تلبس ومظهر هدوم
الوالدين أهم من تبتدي له
ثم الأهل من بعدها تلحق القوم
ربعك ودرب الطيب مد ومثيله
واوصيك بأيتام الدهر حط مقسوم
واللي طريح فراش مهدود حيله
ثابر وجاهد ، العمل ماهو ف يوم
لا تقطعه من بعْد شهر الفضيله
(عبدالله بن سلمان العُمري)
