غروٍ جلس جنبي وقلت الثقل شي
يمكن تلد العين فيه عساها
على كبر رمسيس وش جابها لي
ليه جلست جنبي وش اللي حداها
يابو بدر ياليتني بيدها لي
يوم اطلبت شيشه يلامس شفاها
وليا قضت في حضنها ريّح شوي
ويدها عليه ومهتنٍ في دفاها
(عبدالله ميزان)
سواليف، قالوا فيك وإلا قالوا في
هذي مالها خانة وذي مالها خانة
لكم دينكم ياهل الحكايا وديني لي
ويبي يحاسب ابن ادم على منطق لسانه
ورفيق يعاتبنا ويزعل على اتفه شي
مانبغي معه رفقة ولا نبغي ميانة
علينا من الدنيا ضغوط ماهيب شوي
وهو يحسب ان الله خلقنا على شانه
(محمد بن ذيب الشايب)
