ياقف الفاضل تحت لوحة مرور الافضليّة!
وتعبر الفوضى مع جسر التحاشي والتغاضي !
والانانية وحب الذات سوت فوضوية
في طلوع وفي نزول وفي عمار وفي قضاضي
(سعد بن جدلان)
ياما تمنيت نظرة منه في حالي
وياما تمنيت صوته لو يناديني
واقول لاظلم علي الليل بالحالي
الله يجيبه يشتت غربة سنيني
من كثر ماكان طيفه دايم قبالي
احيان احسه معي وتضمه ايديني!
(فهد المساعد)
شاخبار قلبك عساه إشتاق فغيابي
عساه يذكر ليالي الحب وسنينه
هلا بك أكثر هلا في متلف أعصابي
يامشغل الكل في حسنك وتكوينه
ليتك دريت بغيابك إيش سوابي
ستين طاري يهز الجوف بيدينه
من يوم هليت كل الكون هلا بي
والحظ قامت تباشر بي عناوينه
(علي مساعد)
