يمكن يضيع الشوق في داخل انسان
ويمكن يضيع انسان من كثرة الشوق
وكم من عيون(ن) بالهوى شانها شان
يسوقها ليل الألم والسهر سوق
أحدن شكى همه على فلان وفلان
وأحدن يعاني مادرى فيه مخلوق
(غير معروف)
على نفس هذي الطاوله من ثلاث سنين
رمت بنت دبلتها الذهب وانكسر رجال
وشدّت يديها وارتفع صوتها وبعدين
أنا لازم أمشي وانت يكفيك لعب عيال
هنا مات حب ويبس قلب وتملت عين
من الملح وإندفنت حكاية فرح وآمال
وجيتي تبين نرجع اللي مضى الحين
أنا من ثلاث سنين بطلت لعب عيال
(فهد عافت)
