لا تشتكي من جور الايام للناس
وادفن همومك في ثرى الصمت كله
اسرار عمرك خلها تحت الانفاس
لا صار هرّاج القفا فاطنن له
(عبدالعزيز السناني)

توجعت في صمتي لأن الكتابة نوح
نسيت القلم والا القلم صعب ينساني
ما بين أفضحك مستور والا أسترك مفضوح
بكى دفتري يا قاهر الصمت وابكاني
أبيعك بليلة غاب عنها القمر للبوح
ويشريك من نظراتهم طول كتماني
أعلي جروحك فوق لا طيحوك جروح
وانزلك وإن ضاق الفضاء فيك وجداني
أنا من معاذيرك وأنا المخطي المسموح
ومن قبل تخطي طالتك يد غفراني
خطاك البحر يا عذب منك الخطأ مملوح
خطاي إني الغرقان والموج يجفاني
لك الضحك ما دام الليالي عتب ومزوح
ولي الدمع لا غابوا عن العين خلاني
كتبتك وكني نازعك من حشاي الروح
قريتك ولكن الورق فيك ملاني
(سعد الحريص)

ارفعي سهم المنايا يالعيون
مابقى فيني مكان للطعون
كل شبر في حياتي انجرح
و الذي شقّوا خفوقي يشتكون
في عيوني دمعتين واقفه
ردّت الأيام دمعي بالجفون
ارحمي قلب تجاريبه قست
في زمان ماعرف يوم حنون
اللسان يخون و البسمه كُذُوب
وأصدق التعبير نظرات العيون
(خالد الفيصل)

وآتنفّس رغم هذا الضيق في صدر المدينة
وآتبسّم حتى لو مابه..عصافير وأغاني!
وانتي أنتي..مثل ماأنتي ولكنّك حزينة !
تربكين الدمع ويل الدمع من ضيق المحاني!
كنت اقول البحر ماينشد عن هموم السفينه !
صرت أقول الحين دلوني على وجه المواني!
(بركات الشمري)

مشيت ولا لقيت الا السموم اللي تهب تراب
تجرعته قراح ! وصار همي مصدر الهامي
أغني كذب وادري كذب لكن الزمن نصاب
يحط البندقيه في يدي ويكسر ابهامي!
(سعد الحريص)

لاعاذرك فيها ولا با اتشره
غلطه ومنها منك انا خاطري طاب !
الله يسمح درب من راح مره
عني ولادور عذاريب وأسباب !
حلوه ! ولاكن بالاحاسيس مُره
أغراب نتقابل ونتوادع أغراب !
(سعد الحريص)

الأرض رحبة علامك جالس لحالك؟!
ان كنت مهموم .. كلٍ عنده همومه
في داخلك طفل لا تقتله باهمالك
وقّف زمانك .. وصح الطفل من نومه!
(فهد المساعد)

ماجيت أجمّع جروحي قاصد احراجك
جيتك أببكي وابيك الحين تسمح لي !
ببكي على الناس والإحساس لا ماجك
ببكي على الموت يوم إنه يلمّح لي !
ببكي على الجوع والموجوع لا داجك
ببكي على الكون والمدفون في وحلي !
ببكي على الروح والمجروح لا هاجك
ببكي على الحب يوم الحب لوّح لي !
ياخطوة الحلم نامي وسط ديباجك !
وإلا اتركيني وخليّ الدرب وارتحلي
(بركات الشمري)

ودى اعيش بوسط رجمن خلاوي
في منزلن تضحي به الشمس شرقا
يمرني سرب الحمام امتخاوي
واحس روحي كل ما طار ترقا
بارض عذيه حدر لونن سماوي
وكفوف من عذب التقاطير غرقا
وأختار لي شخصن شفوقن وهاوي
نسل بدوين ماوطا الدرب سرقا
عقيد قوم مبعدين الهقاوي
عدوهم ما سبل الجفن حرقا
(ابعاد التركي)

غربه ولا في عن شقى الغربه مفر
لولا الامل ما طال فينا الصبر
ومهما تفارقنا تجمعنا الدروب
ياعيون تذرف دمعها حيره وجمر
غربه .. غربه .. غربه .. غربه
غربه ولا في عن شقى الغربه مفر
(صدى الحرمان)