مشاركات بواسطة شهد

المعاناة ذكرى

يا قلب ريّح لا تحرّى التباشير
يعني وش اللي ممكن يصير بكرى ؟
لو كان في مستقبل أيامنا خير
ما كان خلّى للمعاناة ذكرى !
(سامي العرفج)

السر ادفنه

السرّ مهما ضاق في صدرك ادفنه
غيرك ترى صدره على سرّك أضيق
(سامي العرفج)

راجع

راجع بشوقي ولهفتي من غربتي
راجع لربعي وديرتي ومحبوبتي
داير بعيني الحايره وسط الزحام
ودي ألاقي عيونها وأبدى معها بالكلام
في لحضه طلت من بعيد
مزيونه واحلى من القمر
وفهمت منها ماتريد
وانا بشوقي انتظر
يا فرحتي محبوبتي
نساني قربك غربتي
(غير معروف)

ماودي بأحد

والله إني بعض الأحيان ما ودي بأحد
حتى نفسي بعض الأيام ماوديبها
لا ذكرت إني أبفنى و تاليتي لحد
والذنوب أعظم من اللي يبي يشقيبها
(سامي العرفج)

لله كسرة حظ

خلي المعاتب وإفتحي باب الآمال
أبي على درب الطموح آتسوّل
لله كسرة حظ ولا بعض فآل
تعبت في وجه السنين آتجوّل
مبطي وأنا والياس مغنى وموّال
ما متّ لكنّي بديت آتهوّل
مدام حلمي قد توفته الآجال
والله فلا ظنّيت عمري يطوّل
(سامي العرفج)

الازمان

عايش زمن عاصرت به كل الازمان
ماعيل بس أكسر ثمانين عايل
أكسب عدو وأحرق به قلوب عدوان
أشعل فتيله بس أطفي فتايل
إن خفت ضعف اخاف من ضعف الايمان
وإن عفت حمل اعاف حمل الجمايل
ما أضمى على الساحل ولو مت غرقان
لو مركبي تابوت والموج هايل
تغرق شهيد أرحم من تموت عطشان
طيحه شموخ ولا وقوف متمايل
(حامد زيد)

الخلان

فقدت أكثر الخلان بالضيق واستغربت
أكيد إن بعضهم مايبي يشوفني طايح!
(سامي العرفج)

وصرنا كبار

وصرنا كبار مثل ماكنّا نتمنّى!
والغريب شـصار!
رجعنا نتمنى
لو إنّا بس بقينا صغـار
(غير معروف)

سهيل اليماني

اه يا سهيل اليماني
شدو البدو بأماني
ليتهم ردو الركايب
وربعو بين المحاني
(بدر بن عبدالمحسن)

وين أحب وين أهيم

وين احب الليله وين أهيم
ارفعي طرقة الشيله عن سديم
عن شموس وكوكبٍ وهاج
واجرحيني بنصل طرفٍ سادرٍ وحجاج
شققيني يالهبوب العارضية
لين اغني للهوى والهوى ماهو خطيه
(بدر بن عبدالمحسن)