مشاركات بواسطة مبارك

من طول الغيبات

من طول الغيبات جاب المعاذير
في هالزمن ., ما عاد فيها غنايم !
لا تقول .. هالمره ترا غيبتي غير
ما عاد تفرق ., لو تبي تغيب دايم !
(مطلق الجبعاء)

دواك الهبايب

دواك الهبايب يا بقايا الثرى الموشوم
انا واحدٍ يرقى لا طاحوا من عيونه
ما اقول السماء خفت ليا طاح منها نجوم
انا اقول الارض ترابها ما يساوونه
(سامي العرفج)

مديت لك ..

مَديت لك.. واخذت مني.. ولا اعطيت
وطلبتني في شي واخذيت كل شي
وسامحتك لأني في حبك تماديت
وامسيت لي واصبحت في الصبح مو لي
بلا سبب ما اخطيت.. وان كاني اخطيت
اخطيت يوم اهدي ضميري وهو حي
المشكلة قَفيت عن وافي الصيت
وسايرت ناس باعت لحومها نِي
غروك من قدح الفلاش وتناسيت
ان الفلاش يموت في حضرة الضي
(فهد الشهراني)

حرب البعيد

أدمح خطا مساعد على شان مسعود
أسكت حيا ماهو بخوف ومهابة
والصبر له حكمة وله وقت وحدود
أصبر على العجه برجوى سحابة
ومن لايعشق المجد مايكسب الفود
هذاك خبلٍ و ساتراته ثيابه
حرب البعيد يوحد الصف ياحمود
بس البلا ياحمود حرب القرابة
(سليمان مثري البلوي)