حبيبي ياهلا والله بحبيبي وافي التقصير
عدد ماعدَوا اصحابي وراك وغاروا اصحابك
يسومون العطا باسم الخطا في كفة التبذير
خطاي ولا صوابٍ ما يوصّلني على بابك
أنا فيني تعب، فيني عتب، فيني جروح كْثْير
ولا فيني أكمّل مابقى فيني من غيابك
(خالد الردادي)
مقدار حبي عالم ٍ فيه ربي
ولا الموازين لغرامي ظلومه
لا لاتقارن حب امك بحبي
أخاف من عينك تطيح الأمومه
أخشى يقولون عنك ماهو بمتربي
مابي أشاركك في عقوق الرحومه
ياغايتي ماعاد فيني أخبّي
حبّك تعدى حدود نفس ٍ كتومه
مابيك تسأل عن مقادير حبي
بكره مع الأيام تطلع علومه
(عابرة سبيل)
