مشاركات بواسطة نور

محطة قطارات

يمه طلبتك والغلا ما بعد مات
وش هو لذيذ النوم يا ذاكرينه
قالت: زعيم الشوق يضرب غرامات
مشتاق والمشتاق.. ربي يعينه
صدرك غدى كنه محطة قطارات
سقفه خشب بدموعنا داهنينه
في كل ركنٍ منه تلقى حكايات
هنا مطيح اللي ملى الدمع عينه
وهناك وردة عينها للسماوات
ترجي كَرم مزنة لو الورد زِينه
وهناك بنتٍ يتمّتها الطموحات
عاشت تبي حلم وغدت به سجينه
وقلبك غدى صالة قدوم المطارات
مليان شوق وناس ماتت غبينه
(يوسف السالمي)

هيهات

هيهات يا صمت الهواجيس هيهات
طفلك هرب غصب وذَرف دمعتينه
مني سرقتيني وانا كومة شتات
ضايع ما بين العافية والضغينة
من فوق مرقابٍ عليه العبارات
هذا يبي شوقه وهذا حنينه
جلست متأمل سكون الجمادات
لا شاريٍ فِلة ولا املك خزينة
عقارب الساعة غدت لي فراشات
لو وردتي صبرٍ ذبل ياسمينه
مافيه تعلِّله ولا فيه مكشات
جالس على ذكرى حطام المدينة
مرّات ادندن بالقوافي ومرّات
حطّاب من عوج الضلوع الحزينة
(يوسف السالمي)

والرمش سادات قوم

من نور وجهه سواد الليل مِتبجد
ليله يصبِّح مساه وصبحه يهجده
والرمش سادات قومٍ فالضحى سِجّد
في عيد الأضحى تقّرب بآية السجدة
(سعد بن جدلان)

لا شريك له بملكه

يالله ياللي ما خشا غير خوف منك خوف
لا شريك له بملكه ولا يعبَد سواه
فيك تشخيص البصاير ولك مد الكفوف
يا كريم يكرمون الاكارم من عطاه
عالم اللي ما اعلمه.. شايف اللي ما نشوف
خافي سره و الاسرار ماهيب تخفاه
لا جفانا القِل واللي روابعهم ضعوف
جعل ربي ما يرينا غضبه ولا جفاه
لا انقفل باب من الرزق حراسه وقوف
فِتحَت بيبان الارزاق من كل اتجاه
(سعد بن جدلان)

كم مفرق

كم مفرقٍ كل ما جيته تعديته
لا اشوف خطه ولا اقرا ويش لوحاته
يا كود مَفرق رقبة العطف لا جيته
يفرض علي التفاته والتنهاته
في حشمة اللي مصافيني وصافيته
من خلقتي ماحدٍ سوابي سواته
ما يسمح البال لين اقف على بيته
اضرم له ضرامة الزيدي على قاته
(سعد بن جلان)

يا صباح الخير

ياصباح الخير يا طَلة الصبح السعيد
جل شأن اللي مصورك عمّا يصفون
انت نبذة معشر الإنس والشي الفريد
ليش مادري، بس لله في خلقه شؤون
يا ذهب قارون.. يامُلك هارون الرشيد
من لقاه اغناه والسابقون السابقون
(سعد بن جدلان)

مواجعي

أخفيت عن كلّ العيون مواجعي
فأنا الشقيّ على السعادة أحسدُ
(غازي القصيبي)

الهدايا ..

يافديت اللي بقاياهم بقايا
فالرفوف وفالدروج وفالزوايا
الهدايا فالبداية تعتني بك
لكن آخر شي .. تقتلك الهدايا
(سعد علوش)

سهم البورصة

لا طاح سهم البورصة والذهب طاح
قامت سهوم الطِيب والطيبيني
(سعد بن جدلان)

املي في رجاه

يالله ياللي خوفتي منه واملي في رجاه
يا قديرٍ تقدر تِظل عبدك وتهديه
لا تنقّص لي مع طيبين الجاه جاه
مع طويلين اليماني وبيضان الوجيه
حزةٍ لا من بغى الرجل مقداره لقاه
ينعرف فيه الجناب المقدّر والسفيه
(سعد بن جدلان)