يا هم وش فيك لاحقني على البسمه ؟
ما كنّي إلا ذابح بيّك وجدّك ؟
النسمه حتى وهي يا كودها نسمه
لا جات يمي تمد بوجهها خدّك
أحمده ربي بإن الموت ذا قسمه
ما عشت ساعه لو انه كان في يدّك
(أكرم التلاوي)
إن جا ينادمني وضيع ٍ من الناس
صديت عنه، وقلت: منت بنديمي !
ماهو بكبر ٍ وكل ناس ٍ لها أجناس
وعندي عزيز النفس دايم حشيمي
للكبر والله ما توشحت بلباس
بكتب التواضع ناجح ٍ بتعليمي
أنادم اللي رفقته ترفع الراس
وياقف معي دايم بوجه الخصيمي
إن كَبرت القاله والارياق يباس
يضيم عدوانه ولا يستضيمي !
(محمد أحمد السديري)
