الصفحة الرئيسية > أجمل أبيات الشعر العامي > الحكمه
الحكمه
إن جا ينادمني وضيع ٍ من الناس
صديت عنه، وقلت: منت بنديمي !
ماهو بكبر ٍ وكل ناس ٍ لها أجناس
وعندي عزيز النفس دايم حشيمي
للكبر والله ما توشحت بلباس
بكتب التواضع ناجح ٍ بتعليمي
أنادم اللي رفقته ترفع الراس
وياقف معي دايم بوجه الخصيمي
إن كَبرت القاله والارياق يباس
يضيم عدوانه ولا يستضيمي !
(محمد أحمد السديري)
خل المكان اللي طيوره خفافيش
ما دام لكم مبدا ولك عقل راجح
كني مجند مهنته يخدم الجيش
ياخذ عطا هينّ ومنطوق جارح
حظي كذا قافل لي الدرب بالشيش
لا مقصدي واضح ولا الدرب واضح
يا الله يا مروي القلوب المعاطيش
يا ماخذ ومعطي ومانع ومانح
يا من جعلت الدين مع صفوة قريش
والارض باسطها سجود ومطارح
اصلح لي الغض الذي ما بعد نيش
ولا تجعله في غفلة الحلم سابح
(محمد بن حوقان المالكي)
التعليقات