مصدوم ..

مصدوم بالناس واكثر صدمتي فيني
من لا يشاركك حزنك لايجي فرحك
من لا بكى لي وانا دمعي ملا عيني
ما ابغاه لا شافني أضحك يجي يضحك!
(عبدالمجيد الزهراني)

لين العود

قلبي غدا وإستيسره لين العود
ماحد ٍ يفك القلب ياسعود منها
ساطي وفي كفه قديحه وبارود
وأدخل يده بين الضلوع ودفنها
بيني وبينه وصل وأسرار وعهود
مصيونة ٍ ماتدري الناس عنها
في كل عام يزود حبه بعد زود
أقفي بروحي والتوى في رسنها
(خلف بن هذال العتيبي)

يا رب ثبتني ..

وجهت وجهي لك واغنيتني فيك
ورفعتني يوم انحنيت بسجودي
يارب ثبتني على اشياء ترضيك
واغفرلي الزلات .. واقبل ردودي
(محمد العفيصان)

عطيني دقايق بوح

عطيني دقايق بوح واخذي سنين إعذاب
ترى في رقيق البوح تزهر بساتيني
عطيني أمل وارجيه دام الرجا ما خاب
عطيني شعور اني قريب ويكفيني
نعم ذكرياتي في غرامك بغير حساب
تمر السنين وحبي أكبر من سنيني!
(ماجد الشاوي)

مد اليدين

هو ليش نتفارق كذا دون سبّه
يومٍ وصلنا . . للنهايه رجعنا
مدّ اليدين اللي جفتها المحبّه
الى متى وحنا نراقب بعضنا ؟
(رائد بن هلال)

بسمة عدو

اكره جميع انكسار إلا انكسار الجيوش
واحب كل ابتسامه غير بسمة عدو!
(رائد بن هلال)

في كل قلب

في كل قلب من القلوب احبك
مايكفي احبك بقلبي الواحد
(سعد علوش)

كيك وعسل

كيك وعسل لكن ماهو في صحون
ودعاك من عين الحسود.. غطاك له
الله لا يعطيه ناس ينضلون
ويستر عليه من النحل لا ياكله
الوصف والتعبير في وصفه يخون
غير اطلب الله يستجيب دعاك له
(محمد بن فطيس)

غني الاخلاق

غني الأخلاق، له عند الأكارم مقر
النقص نقص الشيم والضعف ضعف النفوس
ماعندك فلوس؟ عادي لا تحسبه فقر
الفقر والله .. اذا ما عندك إلا الفلوس !
(فيصل العطاوي)

راحوا ورحنا ..

راحوا ورحنا ماتبعنا المقفين
لو ان روحتهم علينا صعيبة
لكن من يرضى على نفسه الشين
يتبع ثرى المقفين في كل غيبه
(حمد الحربي)

12345الأخير ›