أبيات القصيد - أجمل أبيات الشعر العامي

ياصاحبي

ياصاحبي لاعاد تقصاني ترى اللي كان كان
لا تجرح شعوري وأنا من جور الأيام أمحدي
بذلت مجهودي وبار الحظ في جهدي وخان
ولا كل من يجهد يصيب ولا على المجهد فدي
(فالح بن قشعم الهاجري)

المزيد

مراسيم ذوقي

ما ياخذ مْن الذات غير انت بالذات
يا ذات شعري يا مراسيم ذوقي
خطاك عندي في مصَف الملذات
هلا بك، اغرف من منابع خفوقي
(مبارك الودعاني)

المزيد

مشاريه الغلا

أنفاسها عطر وسوالفها غرام
تنثر مشاريه الغلا وتلمها
الى رواها الشوق يظماها الكلام
ومن الوله عذب القصيد يضمها
(عوض القوانة)

المزيد

الوفا

مال الوفا بقلوب الانذال مدهال
يا زبن بعض الناس ما يفهمونه
هم يحسبون ان الوفا بشت دلال
يلبس وساعة ماشتهوا يشترونه
ماهو صحيح ان الوفا حسن الازوال
ولا منزلٍ فاخر ولو ينزلونه
طبع من اللي نزل اقرأ والانفال
يولد مع الانسان ما يعرفونه
(عمير بن زبن)

المزيد

يا ذيب

يا ذيب ياللِّي بالحنايا لك قنيب
أتلفتني بعواك يامال التلف
دوِّر لجوعك رجم ولهمِّي شعيب
ودور لعيني نوم لو كانه سَلَف
من بارحةْ الاُولى وانا أودِّي واجيب
طواريٍ منها شعر رأسي وقف
(مساعد الرشيدي)

المزيد

البارحة

البارحة مدري وش اللي خذاني
يوم أجنبوا عني من الضيقة أشملت
جيت أتكلم بس عيا لساني
ما كني إلا مرتكب ذنب واخملت
(متعب التركي)

المزيد

يا طفلة

يا طفلة تحت المطر…
تركض واتبعها بنظر..
تركض تبي الباب البعيد..
تضحك على الثوب الجديد
ابتل وابتل الشعر…
لو رميتي شالك الدافي على متن السما..
دفيت الشمس في فصل الجليد..
لو نثرتي صوتك الحاني.. على صدر الضما
أنبت العشب وأخضر الجريد.
(بدر بن عبدالمحسن)

المزيد

خله يعيش الدور

ماني بالأول صار عندي رحابه
‏بطّلت أصيّع بالمشاره سنيني
‏فالحالتين القلب مفتوح بابه
‏للّي يبي فرقاي واللي يبيني
‏ومن شافت عيونه بوضعي غرابه
‏انا على كبره ما اشوفه بعيني
‏واللي مسوّي ذيب في وسط غابة
‏خلّه يعيش الدور وينه وويني
(نواف التركي)

المزيد

مصافحة

صافحت بالنظرة سما بيض الأيام
ولقيت أنا الأيام مثل الليالي
فيها تضيع اعمار وحروف وارقام
ورسايل ما بين غالي وغالي
(خالد بن فيصل السبيعي)

المزيد

غروب

قبل تغيب الشمس وتوادع الكون
ارفع كفوفك واسبق الشمس لله
واطلب إله العرش يمددك بالعون
وقل يا إلهي تغفر الذنب كله
(عبدالعزيز السناني)

المزيد