أبيات القصيد - أجمل أبيات الشعر العامي

يا ذيب

يا ذيب ياللِّي بالحنايا لك قنيب
أتلفتني بعواك يامال التلف
دوِّر لجوعك رجم ولهمِّي شعيب
ودور لعيني نوم لو كانه سَلَف
من بارحةْ الاُولى وانا أودِّي واجيب
طواريٍ منها شعر رأسي وقف
(مساعد الرشيدي)

المزيد

البارحة

البارحة مدري وش اللي خذاني
يوم أجنبوا عني من الضيقة أشملت
جيت أتكلم بس عيا لساني
ما كني إلا مرتكب ذنب واخملت
(متعب التركي)

المزيد

يا طفلة

يا طفلة تحت المطر…
تركض واتبعها بنظر..
تركض تبي الباب البعيد..
تضحك على الثوب الجديد
ابتل وابتل الشعر…
لو رميتي شالك الدافي على متن السما..
دفيت الشمس في فصل الجليد..
لو نثرتي صوتك الحاني.. على صدر الضما
أنبت العشب وأخضر الجريد.
(بدر بن عبدالمحسن)

المزيد

خله يعيش الدور

ماني بالأول صار عندي رحابه
‏بطّلت أصيّع بالمشاره سنيني
‏فالحالتين القلب مفتوح بابه
‏للّي يبي فرقاي واللي يبيني
‏ومن شافت عيونه بوضعي غرابه
‏انا على كبره ما اشوفه بعيني
‏واللي مسوّي ذيب في وسط غابة
‏خلّه يعيش الدور وينه وويني
(نواف التركي)

المزيد

مصافحة

صافحت بالنظرة سما بيض الأيام
ولقيت أنا الأيام مثل الليالي
فيها تضيع اعمار وحروف وارقام
ورسايل ما بين غالي وغالي
(خالد بن فيصل السبيعي)

المزيد

غروب

قبل تغيب الشمس وتوادع الكون
ارفع كفوفك واسبق الشمس لله
واطلب إله العرش يمددك بالعون
وقل يا إلهي تغفر الذنب كله
(عبدالعزيز السناني)

المزيد

دموع

يمكن كبرت أو نسيت العام مطلوبي
يمكن تغافلني الحلم وتعداني
والدمعة اللي تروح وتلتفت صوبي
تركتها فالضلوع وصرت وحداني
(جابر البطحي)

المزيد

شوق

يبان الشوق في عين المعذب
ويبقى الدمع تذكار الأحبه
أنا أتعب.. أنا بالحيل أتعب
وإذا قالوا تحبه.. قلت أحبه!
(خالد بن يزيد)

المزيد

محبة

ياللي في غيابك صرت احتاجك كثير
ياللي غيابك على قلبي شقى
يا دلع يا شوق يا ورد وعبير
شوق عيني ينتظر منك اللقا
(إبراهيم الغريب)

المزيد

فقر

الفقر ما هو نقص مالك يالفقير
كم شفت معنى الفقر كله في غني
واضرب مثل: إنسان عنده كل خير
لكن في نفس الوقت إنسانٍ دني
(علي بن حمري)

المزيد

بيت مختار

كل عام وإنتي بخير ياتحفة الزين
يامنتهى كل المشاعر وضيّه
كل عام وإنتي شمعةٍ للمزايين
ماتنطفي دام المشاعر قويّه
كل عام وإنتي زايده بالحسن لين
يكتب بإسمك جائزه سنويّه
عسى المشاعر في وجودك دواوين
وعسى تصير سنين هالعمر ميّه
(فارس الشايع)

فارس الشايع

المزيد