الصفحة الرئيسية > أجمل أبيات الشعر العامي > وش يعني؟!
وش يعني؟!
هذاك انا اضيع لا طالعت نظراته
بعيونه السود يسمح لي ويمنعني
احلى علامات في الدنيا علاماته
متع نظر من شافه ومتعني
خلوه يخطي انا راضي بسياته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا أخطا عليك اقول: وش يعني؟!
(خالد المريخي)
4byt.com
ياصدر احنك عن الضيق وتضيق
الى متى ذا الحزن ياصدر قلي
ياصدري الدنيا حظوظ وتوافيق
وانا من الثنتين ذي ما حصلي
لو ان حظي مثل حظ المرازيق
ما كان عود بي على طير ياللي
ماني بشاكي ضيقتي للمخاليق
اخاف احد يدري بكثري وقلي
دام الرجال اسرارهم بالصناديق
ماني بشاكي لو اموت بمحلي
(سالم بن جخير)
التعليقات