تحط يدها تخاف الشمس تجهرها
من فيهم اللي بنوره يجهر الثاني
ماهمها الشمس بس تاخذ بخاطرها
تخاف لاتقول ذي جتني تحداني
مزيونة من حلاها لو تناظرها
مهما تحاول تكابر,, غصب بتعاني
(طلال العبدالله الرشيد)
كلما نام ناظر لبيب الكرى
إرم ثوب الكسل والتأني وقم
وإلبس أردان جنح الدجى
وإتزر بالأسف وإستتب وإستقم
ثم صل أربع بأربع يا فتى
وأربعن بالوتر بعدهن إختتم
ثم بعد الفراغ إسأله يا من
أوجد سبع وسبع بعد العدم
(محسن الهزاني)
لك عقل تبصر به ولك قلب ولسان
تقدر تعرف الصايبة والخطية
ابعد عن اللي همه فلان وفلان
اللي يحط من الصغيرة قضية
عليك باللي خوته طيب وإحسان
شيّال حملات الرزا عن خويه
(محمد الفالح)
