شد الشديد,, وقوضوا عقب مجماع
وراعي المودة فرّق البعد شمله
شدوا ودنّوا للحني كل مطواع
كل أشقحٍ يعجبك لا شال حمله
غدا لهم دون الرفيعة تمزاع
واللي بغى دربٍ عزل وانقسم له
أقفوا كما نوٍ نثر ماه وانزاع
بَرقه يرفرف والسدى يرتدم له
(فهيد المجماج)
فنجال خطو الغشمري ينعنى له
لا قلطت وقت الضحى حومة الطير
لا قلط المصفاة فوق المليلة
وغدالها عقب اهتواشه دنانير
البن عشقة كل نادر قبيلة
وترى عمود المرجلة نية الخير
(عبيد الأسعدي)
علي الهموم اللي توافد ياكنه حلف
تجيني ليا جاء الليل واحد ورى الثاني !
توافد على قلبٍ تماسك وطبعه صلف
تغيّر وصار أرهف من السلك لا..لاني!
تقدم بي الخطوات مره وعشرٍ خلف
وأنا أقول يامستقبلي .. لاتحراني !!
مدام الشقى خاوى زماني وصاروا ولف
اجل ويش يجبرني أداريه وأعاني !
(نواف الضويلي)
جيت مثل الغمام وهّل ماك
تشبه الغيث وانفاسك زهر
أرتويك الزلال من الهلاك
وأتفياك وأسقيك العمر
عقب ساقِتك لاحبابك خطاك
مرحبا بك تراحيب المطر
ما يزاحم غلاك إلا غلاك
يا أتلع الجيد يالظبي العفر
(خضران المطيري)
كم مرّت الذكرى على بالي ودنّقت وبكيت
وانا دموعي غالية واكضم عليها واستحي
اخاف من نظرة عذول يشيلها في كل بيت
تصبح على مثلي كبيرة ذَنبها ما ينمحي
(عبيدالله العرابي)
