جرحتني واقفيت وشلون قفّيت
مالك ضمير ولا إحساسٍ يجيبك
بعد المعزه بعتني ثم تغليت
بعت الخفوق وبعت منهو حبيبك
لا واحسايف قلبي اللي لك اهديت
وعمر مضى مابين صدك ورعبك
(بدر بن عبدالمحسن)

سلام يا راعي النياق المغاتير
اللي عشق له مركزاً واستحله
كنه على الجبهه يدوف الطوابير
في نحور حكامن وقوماً امهلة
اثقل على البيدا من طويق والنير
صفق الهوا ما زحزحه عن محله
وحنا اليا هبت عجاج ومعاصير
نجي من اقصانا برمحن وسله
كل ابلجن يونس براسه سعاطير
موت العزيز ولاحياة المذله
مثل السحاب اللي تنوفه مزابير
اما انعقد الحبل والا نحله
نورد الظامي على جمة البير
ونخلي سروج مهاوزات الاظله
(سلطان الهاجري)

يا غبيش ابن خليل سلم على عمير
بلغ سلامي لابن عمي وقله
المعذره لو ماتفيد المعاذير
عن موقفن اكبر من العذر كله
مير الظروف الطاريه يا المناعير
ما هي على كيف المخاليق لله
حركت من الافلاج حزة عشا الطير
عقب العصر يوم الشجر مال ظله
وقبل العشا متعدياً حوطة سدير
ويرن جوالي بسرعه و اشله
هلو.. نعم.. سلام مسيت بالخير
والياه صوت جعلني فدوتن له
قالت وهي فيها من الحزن تاثير
خالك منوم في محلاً ممله
وما انتبهت الا وانا عاكس السير
كني عمى والا العقل فيه خله
هذا يعذرني من اغبيش واعمير
اثبته و اوثقه بالادله
(سلطان الهاجري)

ميقافنا واحد على الشر والخير
يطلق علينا دولتن مستقله
دوله مظيم مسطرين الاساطير
في معجم التاريخ دقه وجله
مركاظنا يشبع به الذيب والطير
وينصر بنا من حطنا محزمن له
واليا بطشنا بالسيوف البواتير
نبطش ولانبطش على غير مله
(سلطان الهاجري)

قالت فديتك قلت أنا كلي اْفْداك
أفداك يا صوتٍ رقيقٍ سريتك
تراك لو تِزْعِلْني أدوّر رضاك
يا خطوة المشتاق انا كم مشيتك
أنا مع العالم تراني بقاياك
لا تبيعني وانا بهم قد شريتك
(محمد السبيعي)

ياريم راح الوقت ماقلت توبى
ادق رقمه غصب عني بلا طوع
(اميره العتيبي)

دامك كذا مقفي ولا اشوف لك شوق
وانا على قربك بذلت وتكلفت
عيب اتبعك مقفي ولو كنت محروق
لجلك ولو من بعد هجرك تحسفت
انا عرفتك ذوق وببعد وانا ذوق
ولا انكر.. تراك آنست قلبي وشرفت
(ماجد بن نويف)

مجروح من سالف أعوامي
كنّي قصيدة وداعيّه
تبدّدت معظم أحلامي
وأضحت سمايه رماديّة
ما تفهق الموت ياحزامي
ولو كان من راس شبريّه
احبابي البارح اخصامي
ياصبح لا تطري الجيّه
خلّو تفاصيل هندامي
ولدّوا لعين الشقاويّة
(محمد الدبيسي)

انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
(طلال الرشيد)

بالله وشلون أنا بأرتاح في نومي
وإنتي عليّ يابعد هالكون زعلانه
قومي كفاية دلع يا دنيتي قومي
وشوفي عليكي عيوني كيف ولهانه
(محمد الدبيسي)