أبيات القصيد - أجمل أبيات الشعر العامي

سهوم الموت

غرقت و لا لقيت لصرختي منهو يمد يدين
تصوبني سهوم الموت مرّه و ألف تخطيني!
أنا و حظّي رجعنا كل منّا خالي الكفين
على كيف الدهر من وين ما يمشي يوديني
ذبحني جرحي اللي ثار بي و أدمى من الصوبين
بلاني وين أولي به ؟! لعب في حسبة سنيني!
(فهد مساعد)

المزيد

تدري ؟

تدري متى الجرح يبطي وقعه ويالم؟
لأجاك من ناس أنت اللي تعالجها!
(سعد علوش)

المزيد

من الضيقة !

شف معاليقة من الضيقة تباكن
و كل ما يصدق مع إنسانه تخونه
مابقى لأحلامنا البيضاء مساكن
ومالقى قلبي وطن يقدر يصونه
(سطام الشامان)

المزيد

وش رجعه ؟

ليت الحبيب لا راح راح وتناساني
وخلا هموم قلبي وخلا مصاديره
وش رجعه اليوم ليه صار يبغاني
هو قلبه خلى أو هذي مقاديره
ما يدري انه بالحب كان يشعاني
ويفز له قلبي من اقصى محاديره
ياهوى هوى قلبي مازلت تهواني
او قلبك بالحب زادت مخاسيره
(خالدالفيصل)

المزيد

بنت بألف رجال

بنت اليمن أنا للوفا مضرب أمثال
ومن هو من أهل الطيب ترخص له عيوني
لي قلب صافي وصبري يهز جبال
الله يرحم من على الطيب ربوني
صحيح اني بنت لكني بألف رجال
نفسي عزيزه والذل والهون ما يدانوني
(بنت اليمن)

المزيد

أنا نصفي تعب

أنا نصفي تعب والنصف الأخر للهموم لحاف
أنا وجهي ذبولٍ ماعرف طعم الفرح فيني
أنا باب خلعه الريح ليلة والعروق خفاف
وحيدٍ مالقيت اللي يرد الضيم عن عيني!
أنا اللي ماعرف يلقى لـ قلبه فلسفة وأوصاف
أنا اللي ضايعٍ بين الطموح وخيبة سنيني
تعال ورد هالعالم لقلبي وأعطني الإنصاف
تعال وردني يمّ الطريق ولا تخليني !
(سطام الشامان)

المزيد

انسوا وجودي

فوق الجروح اللي بقلبي من سنين
يكفي دخيل الله لاتجرحوني
وش من عذابي والعنا مستفيدين
وش مصلحتكم يوم تدمع عيوني
مدام منتم لجرحي مداوين
انسوا وجودي بينكم واتركوني
(غير معروف)

المزيد

ساعة الفرحه!

ترى للوقت هزَّه وأنقلابه
تهزِّ جبالها لو هي رواسي
عليك بساعة الفرحه تراها
ترد الرَّوح من عقب المآسي
(خالد الفيصل)

المزيد

ودّي أنام

ودّي أنام..يمكن لا مني صحيت
ألقى أحزاني طايره فوق الغمام!
و ألقى الوسادة تبتسم لي قم
وألقى الصباح أجمل بليا هم
(غير معروف)

المزيد

انتظرت

انتظرت
و الظاهر انك يا وعد ما جيت
عيّا عليك الوقت
و إلا يا وعد عيّيت
انتظرت لكن النجمة سرت
والقمر راحوا أصحاب السمر
ونسمة وفا مرّت
ولفّت مكان الوعد
ضمّت تعتذر
وانتظر
(خالد الفيصل)

المزيد