يامرحبا والله اعلم بالخطا والله اعلم بالصواب
اقولها والناس تقدح نهار الحرب بزنادها
من لايحسب في زمانه يبي يصبح عشا للذياب
يصبح عشا للسحم والسحم يعرف كيف مرصادها
(محمد الاحمد الشايع)
صار حالي كئيب وصار حالك كئيب
ألزم الصمت لاتكثر علي الكلام
من يدينك ولاهي من رداة النصيب
كل طعنه لها بين الضلوع أحترام
ليتني قبل أعرفك ماعرفتك حبيب
ليتني بس أعرفك وجه والا سلام
(محمد الزعبي)
من يوم فرقانا الى يومنا اليوم
مافات يوم الا وهي مشغلتني
اليا غفيت اشوفها في حلا النوم
واليا صحيت بكل الافكار جتني
عشقتها من قلب ميس و محروم
وتركتها يوم انها عاندتني
دنيا ثقيله كلها هموم بهموم
كني حملت جبالها فوق متني
(حامد زيد)
