أبيات القصيد - أجمل أبيات الشعر العامي

لاح برق

يا كريم..يا كريم
نوض برق .. وريح ديم
وفي الحشا.. رمل قديم؟
لاح برق في الظلام.. شقق الظلما سناه
يا هلا بغيث الغمام..وياهلا بعشب الحياة
لاح برق في العتيم
سدرة الوادي العتيق..وسط صدري اغصونها
عندها وعد وطريق..وحالف ماخونها
لاح برق في العتيم
لاح برق في الدجا..نقض جروح التراب
نزرع الأرض برجا..جود خلاق السحاب
لاح برق في العتيم..
(بدر بن عبدالمحسن)

المزيد

ابي صوت

أبي صوت يعبر عن شعوري
وأبي قلبي يحس بيوم راحة
أبي أعرف مكاني ووين دوري
وأبي أعلن محبتنا بصراحة
(غير معروف)

المزيد

الخوي

الخوي ليلك الساتر و صبحاً ضوي
الخوي راس رمح و قناة و عباة
الخوي لا احتاست الدنيا لواها لوي
الخوي لا مال حملك.. بصدره لقاه
احرص على الصديق الصريح السوي
اللي ليا خطا صاحبه عن العوجا نهاه
يا طا على جمرتك و بحرقتك يكتوي
يخفي عيوبك عن عيونه.. في ثنايا رداه
اصهل صهيل الحصان و لا تصير حيوي
بعض الحيا كالخنا.. لا من تعدى مداه
(حاكم الشعلان)

المزيد

سهيل اليماني

يا صاح ما انته سهيل اليماني
ولا على فرقاك باصبح يتيمه
والله مادام عمري فاني
ما عاد لك بالقلب اي قيمه
(بنت اليمن)

المزيد

عتاب وملام

مابرى الجرح في صدري عتاب وملام
وأنت جيت بعذر .. وأطو المعاذير طي
لا تتعّب لسانك بالعذر والكلام
ميّت إحساس دايم يجرح إحساس حي
(محمد الزعبي)

المزيد

اسمع لعيني

وأسمع لعيني كلما لاقيتني
فأنا عيوني في اللقاء لساني
(محمد بن فطيس)

المزيد

تدري ليش؟

تدري ليش آقدره .. ما أقدرك ؟!
المحترم يفرض عليك إحترامه !
(أحمد العتيبي)

المزيد

رابط الدم

يا راسي النسيان ميّت وأبنعاه
على الشرف من سخرية رابط الدمّ
كل شي تقدر من عنا الوقت تنساه
إلا معك لا من تردّى ولد عمّ
(سامي العرفج)

المزيد

يا جرح طيب

يا جرح طيب
راح الحبيب و ما لنا غيره طبيب
يا جرح طيب
لا تنادي و لا تحن
خل الحزن فينا يفوت
واصرخ على كبر الزمن
ما ينسمع لك صوت !
(شجون الروابي)

المزيد

قلبي

من رفعني معزّه بالوداد امطره
وسط قلبي ارزّه كل صبح(ن) و ليل
لا طلبتك وصال احترت انا في آخره
كل كلّي يبيك و بعض كلّك بخيل !
روح مالي بعدكم غير شوق استره
ابتسم و الخلايق تعرف إني قتيل
قلبي اللي تكفّن ضيّع المقبره
ما تعوّد يموت و لا رضا بالرحيل
(شجون الروابي)

المزيد