أبيات القصيد - أجمل أبيات الشعر العامي

تصورتك

تصورتك ولا ادري ليه
ولا اضنك بعد تدرين
يا انتي
أحس أن المسافة شبر
واحلام الليالي صبر
و كل الأرض
ما تحمل تعب مشوار!
(بدر بن عبدالمحسن)

المزيد

ياحزني كفايه نم

وأروح أقول ياحزني كفايه مامضالي نم!
عساها نومة أهل الكهف يوم انك مشقٍيني
(أحمد العتيبي)

المزيد

احجار الطريق

وآعدّ أنا أحجار الطريق
اللي يودي لبيتها !
أعرفها زين وأنا
لا شفتها و لا جيتها!
(بدر بن عبدالمحسن)

المزيد

الارض رحبة

الأرض رحبة علامك جالس لحالك؟!
ان كنت مهموم .. كلٍ عنده همومه
في داخلك طفل لا تقتله باهمالك
وقّف زمانك .. وصح الطفل من نومه!
(فهد المساعد)

المزيد

جيت الرياض

جيت الرياض ابغى الوناسه بالرياض
واثر الرياض يعاف بغياب العنود
ابفترض لو مجرد افتراض
لو العنود تموت وش يسوى الوجود
(فيصل بن شبلان)

المزيد

غريب

أدري فيك أدري
لا ما يكفي إنّي أدري
ودّي أسمع كلمة منك
كلمة فيها نور عمري
أنا أحبك
قول قول خل تطير الدنيا فيني
قول قول خل ليالي الشوق تجيني
يالّلي كلمة وحدة منك
ترسم الدنيا بعيوني
غريب غريب!
(بدر بورسلي)

المزيد

حاسب على عقلك

ذكاك يحسب للغبا فيني حساب
حاسب على عقلك قبل لايدهورك
(أحمد العتيبي)

المزيد

صدام

منهو ذبح صدام واخوه برزان
غير اليهود اللي على ارضنا تحوم
وين الذيابه ياشقى عمر الاخوان
ماعاد به ذيب ولا فزعة قروم
(عبدالله الزياد)

المزيد

بعض الشدايد

الحب مثل النار تبدا شرارات
ومهما لهبها طال تبقى محدودة
تصبح رماد عقب ما هيب جمرات
مثل السحاب يزول لا انهى رعوده
زرعت أمل وحصدت اسوا احتمالات
حلمي بعطر الياس فاحت وروده
لكنني ما اندم على الحب لو فات
بعض الشدايد عاقبتها امحمودة
(أسيرة الصمت)

المزيد

بنت الحمايل

بنت الحمايل كلها دم واحساس
لا عاش راس الجاهل اللي دفنها
هي درة ما جابها كل غطاس
ومن لا يعرف الدر يرخص ثمنها
من هو يساومني عليها من الناس
من هو بسجنه قد تجرا وسجنها
هو ما درى انها حرة ترفع الراس
ما ترضى غير العز لو هو كفنها
(أسيرة الصمت)

المزيد