الصمت يحكي والحكي داخله صمت
ومثلك ترى ماتسمع عيونه الصوت
معذور كانك للبشاعه تولمت
مثلك كثير ولادخل موجنا حوت
كرمني الله لين بيّنت واكرمت
افهم عليّ ان جاك من صمتي سكوت
للصمت معنى وانت ياجاهل الصمت
ماتفضحك ياكود عينك مع الصوت
(امجد الدبيسي)
ها البشـر ماهمّهم لو عذّبوني
من سـواد قلوبهم حدر الثّياب
لو صرخت بشكوتي مايسمعوني
وإن همست بغلطتي فيه ألف ناب
كلّهم لأدنى خطيّه حاسبوني
وتركوا غيري يمرّ بلا عقاب
(عيده الجهني)
وربعك إلى بان الخلل فيك عافوك
أقرب قريب لك من الناس يشناك
إن كثر مالك صدقولك وطاعوك
وإن قل ما بيدك شانت حلاياك
لو تطلب الماء عندهم كان ماأسقوك
أبعد مزارك عن وطنهم ومرباك
وإن طاب حظك اصدقولك وحبوك
وإن بار كل ما يبي غير فرقاك
(سليمان بن شريم)
