لاجيت يمك لقيت الحب ينطرني
وان غبت عنك عرفت الهم واسبابه
اثرك دوا خاطري من يوم تذكرني
لاصار قلبك يبوح لشوفة احبابه
تدري وش اللي على بعدي مصبرني
أنك في داخل خفوقي وقافلإ بابه
(فهد عبدالله الماضي)
أشكرك انا يا حظ في قلّة الصوت
وأشكرك من قلبي على رحلة الليل
وشلون انا ما أشكرك يا حظ بالموت
وانت الصديق اللي تمنّى لي الويل
المشكله ماهيب في ذبلة التوت
المشكله فالحيل .. يا قلة الحيل!
(سعيـّد آل مهود)
الصمت يحكي والحكي داخله صمت
ومثلك ترى ماتسمع عيونه الصوت
معذور كانك للبشاعه تولمت
مثلك كثير ولادخل موجنا حوت
كرمني الله لين بيّنت واكرمت
افهم عليّ ان جاك من صمتي سكوت
للصمت معنى وانت ياجاهل الصمت
ماتفضحك ياكود عينك مع الصوت
(امجد الدبيسي)
