أبيات القصيد - أجمل أبيات الشعر العامي

بعض الشدايد

الحب مثل النار تبدا شرارات
ومهما لهبها طال تبقى محدودة
تصبح رماد عقب ما هيب جمرات
مثل السحاب يزول لا انهى رعوده
زرعت أمل وحصدت اسوا احتمالات
حلمي بعطر الياس فاحت وروده
لكنني ما اندم على الحب لو فات
بعض الشدايد عاقبتها امحمودة
(أسيرة الصمت)

المزيد

بنت الحمايل

بنت الحمايل كلها دم واحساس
لا عاش راس الجاهل اللي دفنها
هي درة ما جابها كل غطاس
ومن لا يعرف الدر يرخص ثمنها
من هو يساومني عليها من الناس
من هو بسجنه قد تجرا وسجنها
هو ما درى انها حرة ترفع الراس
ما ترضى غير العز لو هو كفنها
(أسيرة الصمت)

المزيد

فقير

فقير والكل من حوله حقير
فقير وملبسه ماهو حرير
وياصاحبي قل وش يصير
لاعشت في الدنيا فقير
بتعيش مكسور الجناح
واذا انكسر هذا الجناح
ابسئلك تقدر تطير؟
(عبدالله الزياد)

المزيد

سلمّ خالي وعميّ

الوقت وقفنا على درب مسدود
الله يسامح سلم خالي وعميّ !
والله ماخذت من التقاليد ياكود!
جرح اللهاة وكسرقلبي وهميّ
(غير معروف)

المزيد

ثقة

وماكـل رمش ٍ يغلبك لأنـتخى جيشه
ولا كل زين ٍ تعلا ياصل إعجابي
أحد ٍ كفو ينعنا له لو ورى بـيشه
وأحد ٍ تثاقلت أجيه وهو ورى بابي
(عبدالمحسن بن سعيد)

المزيد

المواقف

الجبال الرآسيه فالمواقف ماتميل
لويميل الدهر مامال غير ظلالها
(سعيد ابن حمود القحطاني)

المزيد

الحب ينطرني

لاجيت يمك لقيت الحب ينطرني
وان غبت عنك عرفت الهم واسبابه
اثرك دوا خاطري من يوم تذكرني
لاصار قلبك يبوح لشوفة احبابه
تدري وش اللي على بعدي مصبرني
أنك في داخل خفوقي وقافلإ بابه
(فهد عبدالله الماضي)

المزيد

وجه القناعة

مدام وجه القناعة بالرضا ملتحي
خل الفقر يدسم الشارب ويشبعك جوع
الوقت لوّه على وجهه يبي يستحي
ما كان نزّل دموعك وأنت غالي دموع
(سامي العرفج)

المزيد

اشكرك يا حظ

أشكرك انا يا حظ في قلّة الصوت
وأشكرك من قلبي على رحلة الليل
وشلون انا ما أشكرك يا حظ بالموت
وانت الصديق اللي تمنّى لي الويل
المشكله ماهيب في ذبلة التوت
المشكله فالحيل .. يا قلة الحيل!
(سعيـّد آل مهود)

المزيد

انا بلاي

انا بلاي أني مع الناس مبسوط
لو قلت وش فالقلب ماصدقوني
(سعيّد آل مهود)

المزيد