يا وليفي
ياوليفي دمعكم فـي غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك بدون رأيٍ وأروح بدون رأي
ليلي أسهر به والى جا النهار أشلى شوّي
مرة أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
(سعد بن جدلان)
