أن عطيتك قد عقلك ما كبرت
وأن هويتك طرت فيني بالهوا
كنت فكره بس عمرك ما خطرت
وكنت شىء مأنت قد المستوا
لو أحاول ما أحاول ما قدرت
أني أجمع فكري وفكرك سوا!
(محمد الغرير)
آه يالرياض ..
يا شذى ورد الفياض
الغرس .. وعذوق الرطب
السيف .. وعقال القصب
هذي الرياض .. حبيبتي
في جيدها الوادي زهى
وطويق يا سوار الذهب
ومرت سنين ومعها سنين
مرت وكنا صغيرين
نجمع سواليف وحطب
ونرمي حصى اسرارنا وسط القليب!
(بدر بن عبدالمحسن)
متى يا نجمة الفضة
حجبت الليل عن نُورك
متى قلت السما مّلت
جحٌودك.. نظرة غرورك
صحيح إني.. نسيت اليوم
نسيت اليوم.. لا أزورك
وأنا..أنا اعرف النجوم تطيح
على دروب المدينة
إلى صرتي حزينة
(بدر بن عبدالمحسن)
الليله في شي انكسر او كل شي
الليله من حزن السفر مافيه ضي
مدري صحو مدري مطر
يبكي الحكي ويبكي النظر
ودعتك الله سافري وين ماتبين
الحب يكسر خاطري وهو حزين
(بدر بن عبدالمحسن)
مري علي ابكي حياتي وارحلي
مري علي من بعد شوفك ما علي
وش في الجفا غير الجفا
غير الوفا لك والحنين
كان الامل انك تجين
وتسألين
الله يعين الصابرين
الله يعين
(بدر بن عبدالمحسن)
ول ياقلبك!
مايجيب الا القهر
ول ياعمرك!
ماعرف طعم الوفا
ولا أنا!
مثل النهر..أبقى نهر
من تحوسه .. ترجع تشوفه صفى
فيني والله إحساس لا منه ظهر!
يشعل ضلوعك اذا قلبك طفى!
(سالم سيار)
