أبيات القصيد - أجمل أبيات الشعر العامي

يااهَ كمَ اشتاقلك !

ياه كم أشتاقلك وأتصنع اني عادي
كيف عادي والالم يصبح ويمسي فيه
كل ماجريت تنهيده مسكت فوادي
عاد ربك يعلم بما تشعر به يديه
(سعيد بن طميشان الكعبي)

المزيد

الحرمان

أنا وياك يالحرمان في الدنيا غدينا أخوان
مسيرتنا سوا في كل حاضرنا وما ضينا
مشينا فوق درب السهد والآلام والأحزان
حيارى في خضم التيه ما ترسي مراسينا
تباشير السعاده عن نظرنا لفها النسيان
وفوق اهدابنا ماتت من الحسره امانينا
على درب الألم تمشي مواطينا على النيران
ظلام الياس ينشرنا على حبله ويطوينا
(عبدالله الفيصل)

المزيد

عطيتك أكبر شي

عادي لو أنك جيت أو رحت عني
منت بمثل أول ليا رحت أو جيت
لاعاد تطلب شي مني لأني
عطيتك أكبر شي قلبي وصديت
(محمد الزعبي)

المزيد

تستاهل الحب

تستاهل الحب نجديّة
رفيعة الشـأن عجّابة
العين يا عين بحريّة
لقلوب الاحباب نهّاية
والجيد يا جيد ريميّة
تجفل من الزّول لعّابة
والرّيح يا ريح وسميّة
نبت الخزامي تثنَّى بة
صفيت مع صافي النية
يوم الذي صابني صابة
معاد لي روحة أو جية
وقف هوانا على بابة
(خالد الفيصل)

المزيد

حلـف كـاذب

أحلف وأقول إني مع الوقت بأنساك !
الله يسامحني على حلف كاذب
(عبدالله البكر)

المزيد

أول ضحكة !

طلبتك يا وطن عوّد وبدّد هالحزن فيني
تعب متني من حموله ورحل يا للأسف صبري !
تعال وجدّد أفراحي ورجّع بسمة سنيني
دخيل الله رجّعني لأول ضحكة في عمري !
(وجدان الأحمد)

المزيد

وجّبت الحنايا

كنت فعلاً راعي واجب في الغياب
و حيل وجّبت الحنايا بقسوتك
(وجدان الأحمد)

المزيد

الخيـر

النور عندي مركزه في خدودك
مفروض من شافوك؟ سمّوك نوّير
الخير عندي مرتبط في وجودك
يعني ليا من غبت ماعاد به خير
(أحمد الصانع)

المزيد

ايامنا والليالي

أيامنا والليالي كم نعاتبها
شبنا وشابت وعفنا بعض الأحوالي
تاعـد مواعيد والجاهل مكذبها
واللي عرف حدها من همها سالي
إن أقبلت يوم ما تصفى مشاربها
تقفي وتقبل وما دامت على حالي
في كل يوم تورينا عجايبها
واليوم الأول تراه احسن من التالي
(بديوي الوقداني)

المزيد

شبيه صويحبي

ياشبيه صويحبي حسبي عليك
كل ماناظرت عينك شفت ذاك
شفت لونه في خدودك والعيون
في سلامك في كلامك في حلاك
ماهقيت إنَّ القمر مثله قمر
لين شفتك ياشبيه أحلى ملاك
(خالد الفيصل)

المزيد