أبيات القصيد - أجمل أبيات الشعر العامي

حاولت

حاولت أطول صدتي عنك وازريت
طاوعت بك قلبي وعقلي عصيته
وعن كل غلطاتك سمحت وتغاضيت
شيءٍ تناسيته وشيءٍ نسيته
وجيت اتعذر منك ما كنك اخطيت
يا فاتني عنك العزا ما قويته
سلمت لك روحٍ عليها تجنيت
بسياج وهـمٍ دون وصلك بنيته
(الحميدي الحربي)

المزيد

لو تدري

لو تدري أنك غاليٍ ما تغليت
ولو تدري أنك خافقي ما كويته
ولو تدري أني من فراقك تعنيت
كان العتاب اللي كتبته محيته
(الحميدي الحربي)

المزيد

أفارق

أفارق
ودايم قصة العاشق قديمة
مثل كل الفصول اللي على مَرّ الزمن تنعاد
عزانا ، والدموع جداد
بأن الشمس وحده ، وياكثر المشارق
(بدر بن عبدالمحسن)

المزيد

الرفيق الكفو

انشهد ان الرفيق الكفو مثل الرصيد
تلقاه لا كشرت بقعا بنيبانها
ياقف معك وقفةً يلين منها الحديد
عند الرجال العوارف ياكبر شانها
(سعد آل بريك)

المزيد

اختيارات

اخترت في الدنيا ثلاث الستر وانصاف وصلاح
و كرهت في الدنيا ثلاث.. لا و لايمكن و لن
وحبيت في الدنيا ثلاث الفن وأمي و الصباح
و حلفت لا ما أخون الثلاث انتي و جاري والوطن
(مساعد الشمراني)

المزيد

يا تاركتني

يا تاركتني للظما في رجا ماك
بالله ماعمر العطش يوم بلّلك ؟
أصعب من احساسي بفرقاك .. فرقاك
ياصعبها .. لامن جلست اتخيّلك
وقفت في نصف الطريق اتحراك
لانتي رجعتي لي ولا انا مشيت الك
كنك زرعتي داخل عيوني اشواك
وشلون اغمّض جاوبي قبل ما اسألك!
(زايد الرويس)

المزيد

خايفه

كنها من حلاها كل ليله عروس
خايفه من عيون الناس واحراجها
حي هالطول يا زولٍ عساه محروس
من عبث لوعة الايام وازعاجها
تزعل نفوس ولا تمتلي غيض روس
من يقرب لها وضلوعي سياجها
(متعب التركي)

المزيد

يارب تهديني

يارب تهديني قبل لحظة الفوت
وتغفر ذنوبي ياكريم العطايا
اشكيك هـم داخل الصـدر مكبوت
وأيامي اللي بالخطايا ملايا
أن لاذ بك من كان طايع ومبخوت
في من يلوذ المرتكـب للخطـايا؟
(متعب التركي)

المزيد

طفل صغير

من كنت بأول خامسة طفل صغير
كنت امتلي حزن وغموض وكأبه
كنت أشعر اني غير والمدرسه غير
هيمان في جو النبي والصحابة
كنت المح بوجه الليالي تعابير
وأقرا همومي قبل أعرف الكتابة!
(متعب التركي)

المزيد

من عاش هالدنيا

من عاش هالدنيا بلا صاحب وولف
عزالله إنه عاش عيشة يتامى
خل السوالف والمشاريه والحلف
مبطي وأنا على الجروح اتسامى
قلب(ن)يضيق بذكريات الهوى جلف
وقلبي مثل جـرد القفار يترامى
(متعب التركي)

المزيد