تعالي ما لقيت اصحاب
يحلف لك أنين الباب
انه مابقى حولي .. سوى ظلي وبُعدك
ماغدى للشمس معنى من تركتي
سوى القيض
وماغدى لليل معنى من هجرتي
الا الكدر والغيض
(عبدالرحمن بن مساعد)
رفضت استوعب اللي صار ولا استسلمت للتغيير
ثمان سنين اجي نفس المكان بساعة المغرب
ورغم ان الثمان سنين جرح وكلّفتني كثير
انا لليوم اجي وأدعي تجي يارب تجي يارب
(محمد الشهري)
قلت لك ! ياقلب لاتعشق لأني:
شايف ان الحب ودّه .. يبتليك
اندفعت بعشقك وخيّبت ظني
كل من جالك ! حسبته مات فيك
ماسمعت الصوت ! يوم اني اغنّي
يوم لك ياقلبي و عشرة عليك
(سلطان النواف)
إكذب وإكذب خلك إنسان لعاب
سطر من الحكي المسطر حكايا
قل عشت راسي بالسما وانت بتراب
قل كنت لابس وأنتم اللي عرايا
الكذب في هالوقت رائع وجذاب
والصدق شاحب مثل بعض النوايا
عمر الحكي مايوم ودا ولا جاب
ملحٍ نطشّه لا تبين الخفايا
(عايض الظفيري)
