خلاص نقطعها من اليوم مابيك
لا كيف حالك أنت .. لا كيف حالي
الله يبعد عن دروبي خطاويك
و الله يغني عن جوابك سؤالي
طولت بالي بس مليت اداريك
مليت من صدك ولو طال بالي
من يحتمل جورك وسطوة مباديك
حتى الشمالي .. ضاق صدر الشمالي
(مشاري البواريد)
لوخيروني بينك وبين شوفي
والله لا اختارك لو افقد عيوني
واشوفك بعين قلبي طيوفي
لاني بدونك ياحبيبي بدوني
الله لا من غبت وش كثر خوفي
والقلب لك في كل لحظه حنوني
تبغى العمر باعطيك قلبي بكفوفي
وان كان تبغى احساس عشقي جنوني !
(عاصم الشافي)
والـعذاب اللي يذوب بعين من يفقد خليله
عندي أكبر من عذاب العين لوتفقد نظرها
والـحبيب اللي صدوده مثل مداته جزيله
صد عني..واعرفه لاصد عن حاجة هجرها
(حامد زيد)
