يامل قلبً عثا فيه طاروق
يطرق على قلب المعنى بطلقي
كنه صويب ينزف الدم ملحوق
والا غريب بين الاجواد طرقي
والا كما حالة من الناس مطفوق
عجل وعليه الوقت راجع ومقفي
دنياك ماتصفي على كل مخلوق
يومً ويوم فيه الاحوال فرقي
(شقران الحربي)
خلاص أنا طويت الاوراق واقفيت
ولا عاد لي في ماض الايام رده
كل الايام الماضية ماتهنيت
تعبت من جور الليالي وعده
ما رجم الا فوق راسه تعليت
راع الهوى الولهان محدٍ يرده
(غير معروف)
