مشغول بال,, وطاري الحزن رايق
يجي على سبه,, ومن دون سبه!
مغنيه صدري عن صدور الخلايق
مأألوم شعري لا وفاء وأنكتب به
حتى أنا من كثر مانيب ضايق
حاولت اعافه وأثرني صرت أحبه!
(محمد الحويماني)
عسى يابنت يوم اني دعيت الكفر لين اسلم
اكون اثبت لك اني عشقتك كثر هذا الكون
خسرتك او خسرتيني، تناقض للأسف مايهمّ
وانا كل انتصاراتي في بعدك لا طعم لا لون
تزوجتي؟ كفاك الله شرّ الشوف وشرّ الضمّ
اذا صار القدر انثى، وانثى في العيون تخون
(يوسف الشطي)
الله خلق لي نفس تسمو عن البوح
ماهيب اذا ضاقت من الهم باحت
على كثر ما شفت ضيقات وجروح
لا الوجه متغـيّر ولا العين صاحت
أبشرك .. بـشارة الروح للروح
تبي تطـيّحني الليالي و طاحت
(فزاع)
جيتها ما شوفها من دمع عيني
أشتكي دنيا قست ما يوم لانت
قلت : مدري وش أبي ؟ لكن عطيني
و امسحت دمعي و قالت : أص هانت
أنت تدري فراقنا دينه و ديني
و أنا أحس لحظاته الملعون حانت
خل عنك الآه و اسمع يا ضنيني
العزا معشوقتك ما يوم خانت
علمتني بالغياب أنشد حنيني
وأذكر انه قال لي : كانت و كانت !
(بركات الشمري)
وين اريّح بالي وين
وانت لك مليون عين وما تشوف !
إن قلبي لو سلى عنّك :
لقاك !
وإن عمري , لو تبي منّه :
فداك !
وش وراك ؟
لاقي ٍ واحد يحبّك
لو تغيب شوي عنّه
فزّت ضلوعه و جاك !
(صالح العبدالكريم)
قالت : ترا بنت البدو حظها مال
قلت : احذري حذرا تكوني جهوله
بنت البدو يا بنت مضرب للأمثال
فوق الجمال و طاعة الله خجوله
ما حطت اصباغٍ و لا حطت ظلال
و لا سيّرت بالسوق سير مهبوله
هي مهرةٍ تصعب على كل خيّال
و انتي و مثلك عسفهن بالسهوله
(غير معروف)
