أبيات القصيد - أجمل أبيات الشعر العامي

أسطورة المجد..

والشيخ ما هو بشيخ تعزه الدوله
الشيخ من عز له دوله باهاليها
(عزام)

سويت خير

سويت فيني خير من يوم ماغبت
وانابعد سويت خير ونسيتك
(سعد براك)

افة المرء

آفة المرء اثنتان الف كـاس وحـب كيـس
والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب اذناب وتبقـى الـروس روس
(ناصر الفراعنة)

المزيد

وين إنت

وين إنت وشخبارك
يامغرب عن ديارك
انا كل يوم اكحل ناظري بدارك
اتمشى تحت هالسور
واناظر بيتك المهجور
وينك يافنر هالبيت
بعدك انطفى العالم
وما بقى بالشوارع نور
(عبداللطيف البناي)

المزيد

راح اللي راح

بالأمس انا ارقد على خد القمر
واتغطى في روض الزهور
أحسب زماني ما يدور
طفل وعاميه الغرور
كنت وين و صرت وين
لا مكان و لا زمان و لا حضور
أجالس الظلمة و أستاحش النور
(عبداللطيف البناي)

المزيد

أعتذر لج

انت كالطفل الذي تجري دموعه
زعله ورضاه في لحظة يتم
ياخذ الدنيا على كيفه وطوعه
والطفل عمر الطفل ما ينتقم
(عبداللطيف البناي)

المزيد

النسيان

يانعمة النسيان يارحمة الله
لولاك آنا عزاه وش كان سويت
لو اذكر اللي كان دقه وجله
ماكان ساعه في حياتي تهنيت
(خالد الفيصل)

المزيد

تعاشر انسان

اذا نويت تعاشر انسان هزه
بداية المشوار لا تستخيره
ان انصفك والا بجوارحك كزه
خله بديره وانت خلك بديره
حبلاً جمع مابين الاثنين حزه
عجل بقطعه بالسيوف الشطيره
خلك مع اللي كل طيب يخزه
اللي بلوعات الدهر تستشيره
اشفق عليه وطول الايام عزه
واجعل له النفس الكبيره صغيره
(عابد بن عبدالله السرحاني)

المزيد

الاصحاب

العام كانو لي من الاصحاب ميه
وقت الرخا لكن جفوا بالنوايب
(حمد السعيد)

المزيد

جنة اوطانك

غرورك لوسكن عشقي وجفّ اليوم هتانك
محال أني أدوس الجرح وأطلق فالهوى ساقي
ولو نبعك سقا غرسي وفاح اليوم رمانك
بقول أنك عسل عمري وطيف ٍ يسكن أحداقي
(شوقي العامري)

المزيد

بيت مختار

تَجَهَّزْ بالْمَنِيَّةِ حينَ تَغْزو
فَلَيْتَكَ تَسْتَفِزُّ .. فَأُسْتَفَزُّ
ألَمْ تَرَ أنَّ لي حَدَّيْنِ حَتّى
إذا بِهِما أُقَطِّعُ ما أَجُزُّ !؟
ولَيْسَ سِوى المَماتِ لِمَنْ أُعادي
وَلَيْسَ سِوى الحَياةِ لِمَنْ أَعزُّ
ألا إنِّي وَشِعْري لا نُجارى
وَفيكَ وفي اللذي عاداهُ طُزُّ
(تركي عبدالغني)

ليلى حمادة

المزيد