أبيات القصيد - أجمل أبيات الشعر العامي

تعاشر انسان

اذا نويت تعاشر انسان هزه
بداية المشوار لا تستخيره
ان انصفك والا بجوارحك كزه
خله بديره وانت خلك بديره
حبلاً جمع مابين الاثنين حزه
عجل بقطعه بالسيوف الشطيره
خلك مع اللي كل طيب يخزه
اللي بلوعات الدهر تستشيره
اشفق عليه وطول الايام عزه
واجعل له النفس الكبيره صغيره
(عابد بن عبدالله السرحاني)

المزيد

الاصحاب

العام كانو لي من الاصحاب ميه
وقت الرخا لكن جفوا بالنوايب
(حمد السعيد)

المزيد

جنة اوطانك

غرورك لوسكن عشقي وجفّ اليوم هتانك
محال أني أدوس الجرح وأطلق فالهوى ساقي
ولو نبعك سقا غرسي وفاح اليوم رمانك
بقول أنك عسل عمري وطيف ٍ يسكن أحداقي
(شوقي العامري)

المزيد

سكرة موت

للموت درب..وسكرة غيابك..عذاب
وأنا في برزخ..أستلذك ..مغفرة
وأستوحشك ذكرى..لها فالصدر باب
يفضح خفوقي..كل ما جيت استره
أحزن وتحزن من بعد حزني اشناب
كأن الدموع أموات..وعيني مقبرة
يا قبح وجه الحزن فحضور الغياب
أقبح من الرجّال..لا شابه مرَة
(غير معروف)

المزيد

دواليب الزمن

واذا دارت دواليب الزمن ياقلبي المضيوم
وتهت بزحمة الدنيا وتاهت عني اوطاني
ارد لمصحفي وسجادتي واقول ذا المقسوم
هو اللي ماخذن مني وهو سبحانه اعطاني
(أشواق السعوديه)

المزيد

بيني وبينك عهد

بيني وبينك عهد وحقوق و وثوق
وانت الكريم اللي ضمنّا وثاقه
ولا تحسب ان القلب ماهزه الشوق
لا والله الا ذايبن في اشتياقه
اسوق لك قلبي من البعد محروق
عسى لقاكم فيه طب لحراقه
(أشواق السعودية)

المزيد

حط لهمومي وسادة

ياهوى قلبي ويا غاية مراده
ياطموحاتي و أغلى أمنياتي
في مقرالصدر لك حكم وسياده
تامر وتنهى والبَي ياحياتي
لوتكرم حط لهمومي وساده
كلها لجل الليالي المقبلاتي
السهر والحزن فالطرفين عاده
وا عذابك يالعيون الساهراتي
يوم بعض الناس يهنى في رقاده
طول ليلي طرف جفني مايباتي
(محمد الهويدي)

المزيد

ماحن لي قلبك

أخذتني في عالم الحب برفوق
واسرتني في حلو منطق شفاتك
من مبسم السكر تصوغ احلى منطوق
سكر كلامك فـاق سكر نباتك
وأنا وقلبي .. والوله ساقنا سوق
جينا انتقاسم في غيابك فتاتك
يبطي فلا يوصل محبتك مخلوق
هذا وعد مني وعهدٍ لذاتك
(محمد الهويدي)

المزيد

الله حسيب اللي خذوه

الله حسيب اللي خذوه وسروا به
يا ليتهم خلوه وإلا خذوني
قفوا ولا وده يروح ومشوا به
ثم التفت وأقفا وهيض شجوني
(السامر)

المزيد

قولوا لها

ليه اتجاهلني وأنا ماني جبان ولا كذوب
ليه ارخصـت دمعي وأنا ما بكيت إلا لها
قولوا لها لو ما تذوب أنا بخليها تذوب
قولوا لها لو ما عنت لي مستعد اعنا لها
اليا ادمحت لي هالخطا بدمح لها كل الذنوب
وإن جابت الحسنة معي تبشـر بعشـر أمثالها
إن كانّي مخطي فأنا ماني خليّ من العيوب
الذنب يغفر والبشر تجزا بقدر أعمالها
(حامد زيد)

المزيد

بيت مختار

يا عيوني خاطبي دمعة عيونـه
جاوبيها خففـي ثـورة ظنونـه
حاولي تنسين نفسك لو دقيقـه
مايبي منك سوى نضره حنونـه
لاحظي الدمعات تحكي عن عذابه
لاحظيها كل مـا طبّـق جفونـه
ودّه يحكي ويتكلم عـن غرامـه
ومن حيا يخاف تعبيـره يخونـه
(طلال السعيد)

سحر المشاعر

المزيد