أبيات القصيد - أجمل أبيات الشعر العامي

إستحمار

الوضع ماهو على خبرك
غزوة جيوشٍ واستعمار
الوضع هذا فدى عمرك
سرقة عقولٍ وإستحمار
(يزيد الماضي)

الأماكن

المشاعـر في غيابك
ذاب فيها كل صـوت
والليالي من عذابك
عذبت فيني السكوت
وصرت خايف لا تجيني
لحظه يذبل فيها قلبي
وكل أحلامي تموت
(منصور الشادي)

المزيد

تقدر تروح

تقدر تروح وتبتعد
إن كان يرضي مطمعك
لو حب قلبي ما صمد
عن حب غيري ما أمنعك
(هزاع بن سلطان)

المزيد

محاصرة

الى جت تبتعد ذكراك عني
وقف بدروب نسياني خيالك
(علي المفضي)

المزيد

المحبه

المحبه بحر لكن
بحرها من غير ميناء
(ناصر السبيعي)

المزيد

الجروح

أحبك كثر ماغرد و رفرف للصباح الطير
أحبك كثر مشروهي عليك و لهفة أشواقي
حبيبي لا يغرك تحسبٍ ذيك الجروح أبخير
أكابر يوم أشوفك و أتبسم و الوجع باقي
(بدوي)

المزيد

صدق المحب

مايفضح اللي يحب إلا أخر اللحظات
لا مد كفه بالوداع..وصد بعيونه
(نواف بن فيصل)

المزيد

سمان الهرج

أنا مثل صقار تولع بحب الطير
ولف قلبه أفروخ الصواريم وهبلته
تولعت في فرخ قضيب يتل السير
أبي لمحة من نضرة الحر وإسبلته
صغير بسنه غير عندى ماهو بصغير
يا مغلاه في قلبي وياكبر منزلته
أجمع له اسمان الهرج خوف من التقصير
ولا جيت بشرح له كلامي تهيزلته
(سعد بن جدلان)

المزيد

حسبة أخواني

يا عساني صدق ولعتك وهميتك
ويا عساك بجد تعشقني وتهواني
ولو تقول اني بغيابي عنك عنيتك
انت همك صرت اعده حسبة اخواني
(محمد جارالله السهلي)

المزيد

خير إن شاء الله

حنيني غصب يدفعني
وياخذني الوله يمك
وابد ما أظن تمنعني
مسافات الظما عنك
ترى انت الوحيد اللي بقالي
وهمي ليتني همك
ترى ماجابني الا انت
وشوقي ياأقرب الخلان
انا والله ابد ماخنت
ولا فكرت بالنسيان
واذا تقوى انا مقوى
ترى الدنيا ولا تسوى
وخير إن شاء الله
(نواف بن فيصل)

المزيد