مايوجع القلب الصخي يا كود الاصحاب
راحوا وخلوا طيبته في محله
لاخلوا السيره ولا خلوا اسباب
يدمح بها المتروك عن كل زله
(احمد المطيري)

صاحب الحاجه ولو طالت لحوح
وراعي الحلم القديم يغازله
واعذاب القلب من كثر الجروح
كم سيف ٍ بالعذاب ينازله
غايتي حلم ٍ على بعدٍ يلوح
ينعش الحال السقيم الهازله
والهوى بالقلب وهاج يضوح
لو يسوقه للمنايا جاز له
كل ياسٍ يطرده فيني طموح
وكل عزمٍ خافقي ينحاز له
(دايم السيف)

مادام قلبك مشرك(ن) بالمحبّة
اليوم لازم تؤمن بصد وفراق
اللي يخون احبابه..الهجر طبّه
وش فايدت حب(ن) على غير ميثاق
(خلف بن مرزوق)

استأذنك لازم اروح
ما اقوى على باقي الجروح
انت معي غامض كثير
طبعي الوفا طبعي الوضوح
اللي يصير بعدي يصير
ما يخاف ابد صافي الضمير
يوم الليالي تستدير
يفرح وحساده تنوح
(سعد الخريجي)

احتجت لك في ضيقتي ما لقيتك
وقضيت ليلي بين همي وفرقاك
واليوم جاي تقول لي هاه جيتك
وش فايدة اني الى رقت بلقاك
(تذكار الخثلان)

الموت حظ القلم والمجد للدفتر
حبر القلم غلطتي وايامي اوراقي
(نايف صقر)

اليوم كلن يحتفظ في لسانه
لا كان يوم به عرفتك ولا كنت
أحد يخون وواحد الوقت خانه
أنا ترى الثاني والأول تراه أنت
(متعب التركي)

أشوف لك من وين ما رحت ذكرى
لا شفتها صديت عنها ودنقت
ما كل جرح لاخذ أيام يبرى
بعض الجروح يزيد شره مع الوقت
(متعب التركي)

توديع الاحباب مثل الموت له سكرة
ادمى جروحي وشق الصدر منيّا
والقلب طيرٍ.. ضلوع الادمي وكره
لا شاقه الطَلع لا سَلَّم ولا حيَّا ..
مصير الأحزان تنساني وتفتكره
ما كل الأيام بيض وسمحة محيَّا ..
قل غيرها ما أنت لا مجبر ولا مكره
لا صار ما هي (غلا) ما أبي لك (حميَّا) ..
لو في يدي شي ما قلت الوعد بكره
حزمت حدب الضلوع وقلت لك هيَّا ..
لو كل غالي يجي دايم على ذكره
ما صرت أشوفك (هناك) وحبك (هنيا) !
مادامك معيف رح.. لكن على فكره
ما قلتلى ليه دمعك سال منيّا؟
(متعب التركي)

عرق بقلبي لا ذكرتك تحرك
حسبي الله عليك حتى بعروقي تحكمت
(غير معروف)