أبيات القصيد - أجمل أبيات الشعر العامي

حسبة أخواني

يا عساني صدق ولعتك وهميتك
ويا عساك بجد تعشقني وتهواني
ولو تقول اني بغيابي عنك عنيتك
انت همك صرت اعده حسبة اخواني
(محمد جارالله السهلي)

المزيد

خير إن شاء الله

حنيني غصب يدفعني
وياخذني الوله يمك
وابد ما أظن تمنعني
مسافات الظما عنك
ترى انت الوحيد اللي بقالي
وهمي ليتني همك
ترى ماجابني الا انت
وشوقي ياأقرب الخلان
انا والله ابد ماخنت
ولا فكرت بالنسيان
واذا تقوى انا مقوى
ترى الدنيا ولا تسوى
وخير إن شاء الله
(نواف بن فيصل)

المزيد

اصعب اللحظات

تصغر الدنيا في عينك
والهنا يصبح الم
واللي عيشته فغرامك
عيشك بأكبر وهم
بعدما تعطيه عمرك
روحك احساسك وحبك
تكتشف في لحظه انه
كان يلعب بس
في قلبك
(سعود الشربتلي)

المزيد

اصعب اللحظات

اصعب اللحظات لحظه
يخدعك فيها حبيبك
اللي عطيته حياتك
قسوته تصبح نصيبك
لما يتغير وينسى
لما يتكبر عليك
وبعد عشره طويله
يسحب ايده من ايديك
(سعود الشربتلي)

المزيد

جروح الناس

انا لو لي قلب معدوم الضمير
والله ما جيتك ولا قلبي كسير
لا ترد اللي وصل بابك وجاك
اللي ماي عيونه لو تطلب عطاك
كل لحظه تمر من عمري سنين
وانا من فرقاك ذابحني الحنين
ما احس بدنيتي الا معاك
ما يعوضني هواك.. الا هواك
(علي مساعد)

المزيد

الحال في بعدك

الحال في بعدك قسم بالله ما اسميه حال
أنوي على الضحكه وأحس كلي خطا لأني نويت
(محمد جار الله السهلي)

المزيد

ماكرهتك

ماكرهتك ربي يعلم لا ولا يمكن تهون
عاذرك لا اخترت تبعد روح ولا تهمك سنيني
(نواف الدخيل)

المزيد

العنا

العنا وشهو العنا
غير انتي واجروحك وأنا
(سعود بن عبدالله)

المزيد

صباح النور

صباح النور لا والله صباح إسمه
لأن النور شمعة حب من ضـّوه
إذا شفت النهار يصب من جسمه
عرفت أن المزاج مـرّوق بقـوه
صباح البسمه اللي ترسم البسمه
تصبح بالوجيه تصير محلـّوه
صباح الشهقه اللي كّونت نسمه
تصفي جو منهو عكرو جـّوه
(نواف الدبل)

المزيد

لله درك

لله درك كم باطيق
خذني بروف وطيب وارفاق
دموع من حبك مهاريق
حبك رقا بافاق واعماق
ياصاحبي دربك توافيق
في داخلي لك ضم واعناق
وان عاد لي في حبك امعيق
باموت لك ..باموت..مشتاق
(ريانة العود)

المزيد