مسموح لو تكذب عليه وتخفي
إمصدقك في كل شي تقوله
من غير لا تشرح وتطرح وتنفي
في ذمتي ياللي تبيه بتطوله
لا تنحرج وتشب عندي وتطفي
إليا متى فيك الصراحة خجوله
(علي مساعد)
غصب على عين جرحى أقبل أعذارك
وأسامحك لو نهتني عزتي دونك
كثر الخطايا بحقي زاد مقدارك
مع كل هذا وأخاف إتخونك ظنونك
لا ترتبك لا تحاول تفضح أسرارك
أقراك كلك على بعضك من عيونك
(علي مساعد)
اسامحك إي والله الا بسامحك
وأعذرك لو كلك خطايا وأحبك
كان الخطا منك أنا اللي بصالحك
وأنا ترى المخطى ولا هوب ذنبك
مملوك لك والعمر كله لصالحك
وأمشى معك من وين ماكان دربك
(علي مساعد)
قبل تشكيلي وتبكي
قبل لاتبدى وتحكي
ابسألك ليه الخيانه
ليه تخدعـني وتبكي
يعني متعود تخـون
او هو ذا طبعك يكون
تشتكي بدمع العيون
وعندك اسهل شي تبكي
(يوسف الخلف)
جار الزمان ولوع القلب تلويع
وصارت بـلاوي دنيتي تمتحني
يالله دخيلك طالبك قبل لا اضيع
تاخذ بيديني وتبعد الهـم عـني
الحزن قطعني على شكل تقطيع
صار الحزن ياخذ تواصيف مني
(يوسف الخلف)
