أبيات القصيد - أجمل أبيات الشعر العامي

يا عاشق الصمت بيبان الحكي فضّه
ادخل بها يمكن الأحزان تنساني
مضى الزمن بالحكي والسالفه مضّه
ما باقي إلا أنت والا عشت وحداني
(هلال المطيري)

إستلمني في جبروته أشد إستلام
لين طيّح معنويات راس المعنوي
يكبر الرجَّال أمام المهمات الجسام
ويصغر الرجَّال أمام الجمال الانثوي
(لافي حمود الغيداني‏)

احدٍ تجيه بضيق ماينفع بشي
واحدٍ تجيه بضيق وتزيد ضيقه
ما كل رجلٍ ينفع الناس يا خي
كلٍ و له معدن و سلم وطريقه
(حمزة الهاشمي)

لمي شتات الزمن بيديك لميني
وسيرة حياتي تجسدها معانيها
صفحة مواجع عن الأيام وسنيني
عن عاذل القلب والشمات مخفيها
(سعد المسعودي)

إن صار زود المال بيدين الانذال
حنّا من المعروف تندا يدينا
وان كانهم شرهوا على طيب الافعال
حنّا وردنا جمامها وارتوينا
(محمد الأحمد السديري)

دخيل وقتك.. دخيلك لا تخليني
وجروحي أنت الدواء ودواك يبريها
إن كان دربي شقاء واسمك مشقيني
نفسي من الوقت جاها مايكفيها
(سعد المسعودي)

وتخيّر لك جليس تستوده
حكيمٍ يم درب الخير هادي
ولا تجلس مع اللي ما تريده
كثير الهرج نمامٍ ربادي
(محمد ناصر السياري)

جعل من لاع قلبي في فراقك يلاع
حيث وصلك هوا قلبي وغاية مناي
أتصبّر ولا ودّي يطول النزاع
وأكظم الغيظ باسبابك وهذا جزاي
(أحمد الناصر الشايع)

أبرمي الواقع اللي صار قدامي
والواقع اللي خلافي حدر رجليه
وارجع ثلاثين عام لذيك الاعلامي
واعيش باق الحياة أحلام وردية
(حماد البشري)

ما يطيب الراس من فنجال دله
و لا تبعّد شربة الفنجال همّي
الثلاث : اللي تبعّد كل عله
ذكر ربي والصلاة وضحكة أمي
(خالد الهدباني)