أبيات القصيد - أجمل أبيات الشعر العامي

ياعاشق الدنيا ترى مالها جار
كم واحد في حبها طار شوعه
اليوم تضحك له وتعطيه الانذار
وبكره تلوح بها محاني ضلوعه
(رشيد الزلامي)

أجيب سالفتين حولك حواليك
لعلّ ياتي لك مع الناس طاري
وإن جا مجالك وإستمرّوا بطاريك
قمت أتليهى كن ماني بداري
(راشد بن قطيما المري)

المرجله مطمع مماليك وملوك
كلٍ على مر الليالي نشدها
تبين في رجلٍ من الوقت معروك
مواقفه بـ الطيب كل ٍ حمدها
(عايض ابوشيبه السبيعي)

واليا لبست العقل لو مالبست العقال
عقلك ستر والمظاهر ماتفيد السفيه
وإياك إياك ثم إياك ذل السؤال
وإن هنت لا ما تفيدك ليه لو قلت ليه
(علي الضوي)

الناس تعرف بالطبايع والأفعال
واللي تعزّه سمعته يمدحونه
والماء يجيبه عذب ويجيبه احثال
والكون به من كل كاين نمونه
(بدر الحويفي)

اياك و الصاحب اللي ما عليه اتكال
هذاك احذر يدينك لا تصافح يديه
واياك تقضي حياتك بين قيلٍ وقال
حكي مجالس وهذا فيه وفلان فيه
(علي الضوي)

لو حسبت لقول عذالي حساب
ما نبت عشبٍ ولا هبّت هبوب
والله انّي ماتجنّبت الصواب
ولا سمعت لهرجة النذْل الكذوب
(طلال حمزة)

تصدِّق عاد.. أنا والشوق والإحساس والغيرة
جلسنا كل واحد يشكي غيابك على الثاني !
(عطا الله فرحان)

يا ناس راعي المحبة لا تعذلونه
مهوب عن صاحبه داله ولا سالي
لو يسهر الليل كله لا تلومونه
الحب بلوى مانيب اول ولا تالي
(احمد الناصر الشايع)

أحيان أحمّل شقاي الوقت واعذرني
وأحيان أقول إن هم الوقت باسبابي
وأحيان بعضي يصد من أجل يقهرني
ويصد في عين خفّاقي عن احبابي
(علي المفضي)