جفت اقلام الغرام وطول المحبوب باله
والله اني ماهقيت ان الغضي يقسي عليه
وش خطاي الا المحبه وش رجاي الا وصاله
وش يبي غير الموده والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
(نايف صقر)
كل هذا وانت قاسي قلب هاجر
ماهداك الله واخذت اللي عطيته
من غرامك في غلاك ارحل واهاجر
وان ضواني ليل من يمك سريته
لاتزيد طعوني أوجعت الخناجر
مابقي عرقٍ بقلبي ماثنيته
لو عيوني غيم واهدابك محاجر
ماظما رمشك تحت دمعٍ بكيته
(نايف صقر)
ياعل قلب ماشكا الحب والتاع
تنهار من فوقه محاني ضلوعه
ياما نهيت القلب لاشك ماطاع
ماطاع يدله والليالي تلوعه
أثر المولع دمعته تجرح القاع
وإلى ذكر مافات هلت دموعه
(خالد الفيصل)
أماني كل هالدنيا أماني
مثل بحر بلا شط ومواني
أقول الوقت باكر يلتفت لي
وأشوف الوقت في همي نساني
تركني تايه محتار مدري
أفكر في الدقايق والثواني
(غير معروف)
اخذي جروحك يابنت الناس واللي صار صار
والبقيه في حياة الحب والروح الشقيه
والفراق اعطيه من عندك وسام الانتصار
والحزن فيني يابنت العز وافته المنيه
(غير معروف)
