أبيات القصيد - أجمل أبيات الشعر العامي

هذي يميني برحيلك كنها اليسرى
الله حرمني سلامك وش لي بيدي
(فرج صبار)

قبل انتفارق ودي اسالك عن شي
وش تستفيد ان قيل هذا قتيلك
(عدنان الدخيل)

يمكن لو انه يلمس الجرح بيديه
يستغرب ان اللي لمسها طعونه
(متعب التركي)

نادت مشاري صاحو الخلق لبيه
من زينها كل الخلايق مشـاري
(فهد عافت)

ثلاث حبات خال حول مبسمها
والمنهل العذب تكثر حوله الزحمه
(محمد الدحيمي)

لابان برهان الغلا من يساويك
نجمك طلع ونجوم غيرك تهاوت
(غير معروف)

ياعل من باع العذأري للفلاس
عساه مايفرح بنطق الشهاده
(محمد السبيل)

ان كان قصدك تجرح الروح وتروح
عندي كفايه مابقى من جروحي
وان كان غرك قولة الناس مملوح
هذي عبارة ماتناسب طموحي
(طلال الجذع)

لاتدعي حب جحدته من اعوام
ولاتعتذروقت المعاذير ولى
رح في طريقك لاتفكربالاوهام
ولاتنسى انك من بدا ومن تخلى
(غير معروف)

مايذبح الرجال غير انه يشوف
اخس خلق الله ياخذ مكانه !
(طلال حمزة)