أبيات القصيد - أجمل أبيات الشعر العامي

كم ليلة ماتت

واكبر دليل اني الى غاب احاتيه
كم ليلة ماتت على كف مسرا
(محمد بن فطيس)

شف عيوني

في غيابك لك محبة ولك شوق وحنين
وفي حضورك شف عيوني.. كلامي ما يفيد
(محمد بن فطيس)

حبيب روحي

حبيب روحي ..مهو نفسي ولا عقلي
لأن عقلي يشك .. ونفسي تعاني
روحي تحبّك وروحي ماهي بمثلي
تخيّل ان روحي تدعي لك وتنساني
(سعد علوش)

المزيد

المنحنيات

‏تقبّل النّاس لاجاتك من آخرها
كم واحدٍ ودّه ان حتفه قبل حتفك
المنحنيات خطره لكن اخطرها
المنحنى اللي من رقبتك الى كتفك
(سعد علوش)

المزيد

صمتك الواقف

صمتك الواقف ورى زحمة حنين
ليتنا نستدرجه صوب الزحام
ناويّ انصب له فهالزحمة كمين
واختلي به واستثيره بالملام
وان تمادى طالبك لا تستهين
فزّ له واغتال روحه بالكلام
(ياسر حسن الجنيد)

المزيد

الأم ..

تبسّم لها واخفض لـ اجلها جناح الذل
وقبّل يديها بعد تقبيل رجليها
ولا يرتفع صوتك تحت أي ظرف وخل
شكاويك لك .. لاتدري وتنشغل فيها
(فهد بن عبدان)

المزيد

الصباح..

كئيب الصباح اللي يذكرك بالغيّاب
ويكرر عليك وجيه .. دايم تطالعها
صباحك ليا من صار دايم بدون احباب
مثل سالفة تنقال لك .. وانت سامعها
(سامي العرفج)

المزيد

خصر المفارق

من كثر ما بالكلام .. العين غرقى
حطت ايديها على خصر المفارق
انتي اقفيتي وانا .. مليان فرقى
وش يضر البحر لا من صار غارق
(سامي العرفج)

المزيد

اشلاء ذاكرتي

افكر بك ..وعيني الثالثه تسمعك
ياصوت النور بين اشلاء ذاكرتي
اغمض ..ما ابي اتخيل اني معك
انا اغمض عشان ألقى .. مخيلتي
(سامي العرفج)

المزيد

مؤمن فيك ..

مؤمنٍ فيك ياربي واصلي واصوم
واعرف ان ذا حلال واعرف ان ذا حرام
لكن من الخطا ماني ياربي معصوم
لاعلي الصلاه ولا علي السلام
(فهد الصعيري)

المزيد