أبيات القصيد - أجمل أبيات الشعر العامي

ريش طاووس ..

الناس نِبت ضروسها ريش طاووس
تفاخروا لين انكر العبد عمه
تنومسوا في شي ماهوب ناموس
مثل الصلاة اللي على غير يمه
اللي معه ثروة سندات وفلوس
ويرهن مقابلها كرامة وذمه
يعطيك فالحِسناء ندوات ودروس
ويصرف لك الاخلاق من راس كمه
إن عاف ماكن الطمع فيه مغروس
وان طمِع في حاجة نسى ابوه وامه
(مدغم ابو شيبة)

المزيد

المسألة سهلة

ما هو بـ أنا اللي يعود حين ينده له
اصعب من اقفايتي لا اقفيت.. مرجاعي
يحق له يفرق اللحظه عن الوهله
دايم ولكن خطا لو يمدح اوضاعي
ويحق له لو يعاتبني على مهله
دايم ولكن خطا لو يلوي ذراعي
(هلال المطيري)

المزيد

سواد القلب

ما سلم من سواد القلب غير الرسول
والسوالف تعدن يالحبيب وسرن
وش تبينا نسوي؟ وش تبينا نقول؟
والله إن السكوت أحيان ماله ثمن
مالك إلا التمنى ياثقيل الحمول
لا تضايقت عود للخيال وتمن
ما بعد هالنحول اللي تشوفه نحول
لو تعيد المكان ولو تعيد الزمن
(هلال المطيري)

المزيد

ودي امسك كلامك..

خارج الشمس نور وانت داخلك نور
وجهك أتعلّمه وانساه واتعلّمه
لاتكلمت؟ يملاني كلامك شعور
ودّي امسك كلامك وانت تتكلّمه
(سعد علوش)

المزيد

الصدف..

ياصرخة احساسي وخنقة دموعي
اذا الصدف جابت مكاني مكانه
من داخلي احساس يعلن خضوعي
وفي ظاهري رجال حافظ كيانه
(محمد الظفيري)

المزيد

في عيونك..

ظامي الوجدان واشواقك نهر
اسقني من عذب معسول الغدير
الرموش السود والطرف الحور
ليتها عن لحظها لي تستخير
اول المشوار في حبك قهر
واخر المشوار عمري به خطير
(السامر)

المزيد

ماعتبّوا بابي..

حبيبي عادت أسراب الحمام وعادوا الغيّاب
وانا من كثر ماشفت الوجيه اشتقت لأحبابي
حبيبي من كثر ماشتقت لك صرت اكره الأبواب
ليا شفت الوصل..واهل الوصل ماعتّبوا بابي
(صالح السكيبي)

المزيد

تعال نشرب

تعال نشرب لضيق الوقت واحراجه
كاسٍ من الصبر فيه أعلن لميلادي
نخب الجفا فالعيون وثورة الحاجه
نخب المساكين واسم الفقر وبلادي
ياصاحبي وان بغيت تعيش قم واجه
أحلامك اللي بدت تستنزف اجهادي
(سين)

المزيد

حرمان في حرمان..

حرمان في حرمان تمضي سنيني
وقتي سقاني المر كاس ورى كاس
وسط التعاسه شف بقايا حنيني
ضاع الأمل في وسطها واقبل الياس
(سليمان الحمد)

المزيد

الحب لعبة ..

بعض الاوادم يحسب الحب لعبه
ومشاعره تلعب سواة المراجيح
في كل يوماً له حبيباً يحبه
تمشي احاسيسه ورى هبة الريح
(غير معروف)

المزيد