أبيات القصيد - أجمل أبيات الشعر العامي

لي شهر كل ما دقيت رقمه مسحته
مدري ش أقول له لو قال لي من معاي ؟
إن نساني جرحني وإن ذكرني جرحته
وحدة تطعن وفاه..ووحدة تطعن وفاي !
(محمد المغيرفي)

مثل السراب أشوفك اليوم تختال
كل ما أقترب منّك مع القرب تِبعد
(فارس الشايع)

ذوبيني يا مذوبة الجليد
المحبة دوبها في انجلت
كن قلبي ورد والغصن الوريد
وشوفتك وسميةٍ واسترسلت!
(خالد بن عسوج)

اكذب اكذب قل بترجع بعد بكرة
لاتقول إنك بترحل لو دقيقة
كذبتك يمكن وهي في طور فكرة
تصبح أجمل كذبةٍ صارت حقيقة
(بندر المحيا)

كيف اعدد ذالجمال وذالصفات ؟
والكلام يتوه فاغلى أمنيّه
فرقها عن باقي أنواع البنات
فرق زمزم عن ميّاه التعبيّه !
(جابر علوش)

قبل الاذان..
تصحى عناقيد الحنان
تنشر عرايش صوتها..
امي تنادي: قم صل
بعض الشراشف طل..
وعلى الوسادة ضي
من هالسديم الحي
بومض النجوم!
(بدر بن عبدالمحسن)

إنسان هالغابه..
ملعون من ساسهْ
لا جيت ابي آعرّيه..
أزيد في لْباسه !
(محمد الأمَيِّر)

ما اقول هذا الجديل الليل لكنه
ليلٍ خَرَعْه الظلام وضيع نجومه
الله عطانيه و الله يعطي الجنه
والى استجد الهوى كلٍ و مقسومه!
(مساعد الرشيدي)

و الله لو أمّنت سِرّك بيمناي
لا تْشِحّ به سَبّابتي عن ابهامي!
(الحميدي الحربي)

اتركه واصد عنه واقول انه يتوب
لكن ان طول فراقه على القلب يهبا!
(فهد دوحان)