أبيات القصيد - أجمل أبيات الشعر العامي

الدنيا هذي .. مُتعبه نفسياً
مالي ومال الخوض في ساحتها
الناس .. تركض خلفها يومياً
وانا مخليها على راحتها!
(ناصر بن فهيد)

من مشى في الحب ضاع قلبه
واصبح بليا ادراك والعلم مفضوح!
احلى محبه بين عبد(ن) وربه
مابه مصالح .. ولا فيه مجروح
(ماجد الزهراني)

انا والاحساس الكئيب وجرحك
متناقضين وما بنا اللي يشكي
احيان لا منّا بكينا نضحك
واحيان لا منّا ضحكنا نبكي
(سامي العرفج)

تجيك من بعض القرايب لك أحزان
وتجيك من بعض الأجانيب راحه
اوزن كلامك قبل تحكي بميزان
ما كل كلمه تمتلكها مباحه
(ثامر شبيب)

من تجربة عمري عرفت وتعلمت
ان الردي مهما نفعته يضرك
(ثامر شبيب)

احيان اقول ان الوطن ماله ذنوب
واستغفر الله كل ما شفت نفسي
الظاهر اني من كثر مابه اذوب
احيان انسى اني مهمش ومنسي
(سامي العرفج)

عقب الخطا قلبي على البعد صامل
وفر كلامك .. عارف اللي تبي تقول
عندي خبر .. ما فيه بالخلق كامل
وعندك خبر لاخطيت ماني بمسؤول
(محمد الظفيري)

واللي خلق لي قلب ولسان وعيون
ماخاوي المترديه والنطيحه
لاطاح ابن عمي من الوقت مغبون
ان ماسترته ما افتخر في مطيحه
(سعود الطانوب)

هذا مرد الما من الجال للجال
ما حركت ركوده إلا الأنامل
من عاد باقي ما تغير ولا مال؟
بس العزا محدن من الخلق كامل
(متعب التركي)

من تجربة حياتي الواقعية
لاتشتكي همك على الناس تحتاس
خل البريّة .. وإنص رب البريّة
الناس ماهي فاضية تسمع الناس!
(فهد الزعبي)