حبيبي ياهلا والله بحبيبي وافي التقصير
عدد ماعدَوا اصحابي وراك وغاروا اصحابك
يسومون العطا باسم الخطا في كفة التبذير
خطاي ولا صوابٍ ما يوصّلني على بابك
أنا فيني تعب، فيني عتب، فيني جروح كْثْير
ولا فيني أكمّل مابقى فيني من غيابك
(خالد الردادي)
يارب تغفر زلتي والخطايا
اللي على متني تقطّع زبدها
انت الذي تعلم جميع الخفايا
تغفر ذنوباً أنت محصي عددها
رحماك لاجينا حفايا عرايا
في يوم تلهى المرضعه عن ولدها
(عوض سلامه العنزي)
كل ماقلت أدهر القلب من نبت الجروح
طاحت حروف بصدري مثل وبل المطر
وابذرت عقب المحل عشب وأزهار تفوح
بعطر من فارقتها عمر يفداها العمر
تكتم الخدان مني ملامح أو تبوح
ما تغير سقم حالي من هموم وسهر
(بدر بن عبدالمحسن)
