بين فرحة لقاك وهم فرقاك
لاتذكرت جرح ولا نسيتك
حي هالشوف ماتنمل دنياك
شف سواة العيون ليا لقيتك
قمت اخيلك هنا وهناك وهناك
وين ترحل بي النظره نصيتك
(مساعد الرشيدي)
عينك ظلام وممحله تصدّر ولا تورّد دلي
ما فيه شي بعالمك الا ويحمل نظرتين
الكاس لو نصفه فضا حاول تشوف الممتلي
والساعه لو هي واقفه تصدق بيومك مرتين
(محمد بنيّان)
يا وليفي وش ورا الوجه الضحوك
ماخبرنا من سـراب احدٍ شرب
نعنبو حيك ضميـت من الشكوك
كل ماصدقت لي ضنٍ كذب
مانبي ورد يجي مخلوط شوك
ياعنب لبنان يا مشمش حلب
(منوخ نادر الحميداني)
