أبيات القصيد - أجمل أبيات الشعر العامي

تناقصوا ربعي..

تناقصوا ربعي على واحد اثنين
ايلين خلوني وحيد لحالي!
كانوا لي اقرب من ظلالي وهالحين
راحوا وزين انه بقالي ظلالي !
(سلطان بن عباس)

المزيد

مواعيد الصلاة

خل الدقايق بالثواني تلتحق
ولاتفكر في فقر والا غناة
لاتنتظر .. مافيه حاجة تستحق
الانتظار إلا مواعيد الصلاة!
(ناصر بن فهيد)

المزيد

نحب المناكب..

كنا ولا زلنا نحب المناكب
ويادوب للعلم الجليل انتناوش
الغرب وصلوا للقمر والكواكب
وحنا على الفعل القديم انتهاوش
(الريم السبيعي)

المزيد

صحيت اتنفسك..

كثر ما بالصباح أشياء تخنقني
صحيت أتنفسك ذكرى و مستقبل
أنا أقبل بقيدك .. ليه تعتقني!
من اللي يأسره مثلك و ما يقبل
(خلف الضيف)

المزيد

مؤمن فيك ياربي..

مؤمن فيك يا ربي واصلي واصوم
واعرف ان ذا حلال واعرف ان ذا حرام
لكن من الخطا! ماني ياربي معصوم
لا علي الصلاه ولا علي السلام
(فهد الصيعري)

المزيد

بالعربي الفصيح

تبي تعرف السالفه من جد ووضوح
كلمة بسيطه واحده وترجمها بشهر
ايه أحبك قلتها وانا كلي طموح
ولاني بناكر كلمتي ولا عندي له عذر
يعني بالعربي الفصيح يا مالكً هالروح
افعل بها ما تشاء فإنك اليوم قدر
حلي حلاك وذنبك اليوم مدموح
وحرمك حرام علي ان فيه استمر
(حمود الاسعدي العتيبي)

المزيد

اخس نوع

روح, انا بقاوم الوقت وحدّي
صرت متغير .. مزاجات وطبوع؟
انت ما انت بطيب و ما انت بردي
وهذا والله العظيم اخس نوع!
(سعد بن هندي)

المزيد

تجربة واقع

أخذت بالدنيا تجاريب ودروس
عرفت فيها صاحبي من عدوي
لا صرت طيب وما عندك فلوس
ما ينحسب لك طيب مهما تسوي
(عبدالله العنزي)

المزيد

الرابح الاكبر..

الرابح الاكبر اللي فارق دياره
وبنا من الطين بيت وعاش في خلوه
لا يحمل أوزاره ولا يكشف أسراره
ولا يزعجه جاره ، ولا تفتنه حلوه !
(غازي العتيبي)

المزيد

انواع العلاقة..

معطفه غيمه وجاكيته حديقه
اه يامطول جفافي في فراقه
هو صديقي بس انا ماني صديقه
وهذا اجرم نوع فانواع العلاقه!
(سعد علوش)

المزيد